کندوز، تالقان (پژواک، ٥ کب ٩٥): د ملي اردو يوه چورلکه په کندوز کې د وسله والو طالبانو تر ولکې لاندې سيمه کې بېړنۍ ناسته کړې ده.
د دې ولايت امنيه قوماندان مل پاسوال عبدالحميد حميدي د کب په ٥ مه پژواک خبري اژانس ته وويل چې دا پېښه، نن له غرمې وروسته په دشت ارچي ولسوالۍ کې رامنځته شوې ده.
هغه زياته کړه، د ملي اردو يوې چورلکې په ياده سيمه کې بېړنۍ ناسته کړې ده، خو دوى سيمې ته نور مرستندوی ځواکونه لېږلي دي.
حميدي وايي، دوى د چورلکې عمله له سيمې ايستلې ده، خو چورلکه لا هم هلته پاتې ده.
د ده په وينا، د ملي اردو دغه هليکوپتر دشت ارچي ولسوالۍ ته د عملياتو په موخه تللې وه او غوښتل يې چې بېرته د تخار په لور لاړه شي، چې تخنيکي ستونزه ورته پيدا شوه.
خو يوې امنيتي سرچينې د نوم د نه خپرېدو په شرط، پژواک ته وويل چې دغه الوتکه د وسله والو مخالفينو په ډزو غورځېدلې ده.
د هغه په وينا، کله چې الوتکه راوغورځېده، وسله والو اور ورته واچاوه.
له بلې خوا د تخار ولايت د درقد ولسوالۍ يوه اوسېدونکي احمد، پژواک اژانس ته وويل، کله چې امنيتي ځواکونو نن دوه بجې د طالبانو په مورچلو هوايي بريدونه کول، چې يوه چورلکه د طالبانو له خوا وويشتل شوه.
ده زياته کړه، چورلکه ډېره ټيټه وه او له لګېدو وروسته د کندوز د دشت ارچي ولسوالۍ په لوري لاړه.
د تخار درقد او د کندوز دشت ارچي، ګاوڼدۍ ولسوالۍ دي.
طالب وياند ذبيح الله مجاهد هم وايي چې دوى د تخار په درقد ولسوالۍ کې د ملي اردو يوه چورلکه ويشتلې او بيا د کندوز ولايت په دشت ارچي ولسوالۍ کې غورځېدلې ده.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
