لطیف یاد/دمشهورې سندرغاړې میرمن رخشانې یاد

میرمن رخشانه چې اصلي نوم یې حمیده و په شپيتمو او اویا یمو لسیزو کې دافغانستان دپښتو او دري ژبو نامتو او وتلې سندرغاړې وه .نو موړي دجنرال اصیل خان وزیري لور او په قوم وزیره پښتنه وه . موریې خدیجه طرزي نومیدله او دافغانستان دخپلواکۍ داتل اعلیحضرت امیر امان الله خان په وخت کې دمو سیقۍ ښوونکې وه او نجونو ته یې موسیقي ورزده کوله .. رخشانې په سلګونو پښتو او دري سندرې ویلې دي چې ډیرې سندرې یې دراډیو افغانستان دمو سیقۍ په آرشیف کې خوندي دي . میر من رخشانې دپښتنو هنرمندانو ارواښاد استاد اولمیر او قمرګلې سره هم ګډې پښتو سندرې لري . دې دافغانستان په لومړني فلم روزګاران کې هم یوه سندره ویلې ده. .
بایدوویل شي هغه وخت چې ارواښاد استادعبدالروف بینوا دراډیو افغانستان رئیس و نو درخشانې هنري نوم ی پر هغې باندې کیښود.
میرمن رخشانه د شهید داود خان درژیم په وروستیو وختونو کې امریکا ته لاړه او تر هغې ورځې وروسته یې دخپلو هنري هڅو او هلو ځلو سره خدای پاماني وکړه .. میرمن رخشانه دحبیب ، حمید ، زبیر او مسعود په نامه څلورزامن او درویا په نامه یوه لور لري .
میرمن رخشانې دپښتو شاعرانو او په هغوکې دارواښاد شهید سیلاب صیب ډیر شعرونه خپلو پښتو سندرو کې ویلي دي .
ویل کیږي چې یو ځل دمصر دهیواد نه یو کلتوري هیئات افغانستان ته راغلی و او کله چې میرمن رخشانې خپل کنسرت ورکړ نو دهغو دومره خوښ شو چې دې ته یې دمصر دنامتو سندرغاړې ام کلثوم لقب ورکړ.میرمن رخشانه دخپلو هنري فعالیتونو او کنسرتونو دورکولو لپاره دتاجکیستان ، اوزبیکستان ، چکو سلواکیې او ایران هیوادونو ته هم هنري سفرونه کړي دي ..
دمیر من رخشانې ځینې پښتو سندرې په لاندنیو لینکونو کې اوریدلای شئ !