افغانستان ته د چین د خارجه چارو وزیر سفر!/دوکتور صلاح الدین سعید افغانی

په یاد ولرئ: پاکستاني استابلشمنت د افغانستان او افغان اولس دشمن وه، دی او زمان ثابته کړه او زمان به ثابته کړي چې دشمن به پاتې شي! په دې هکله او دا ناستې او ولاړې ښې، ضروري او نړۍ ته د پاکستان د ماهیت د افشاء لپاره او مخامخ پاکستان او نړۍ ته د پاکستان په هکله سپينې خبرې کول په کار دي اما د یو نهایی، سرنوشت حل لپاره پاکستان مقابل کې ځان اماده كول په کار دي. بل انتخاب نه شته. راپورونه او موثق منابع او خبرونه شته چې پاکستان ایران او چین ته داسې طرحې وړاندې کړي چې د افغانستان له لارې د پایپ لاین د سترو ګازي او تیلي پروژو عملي کېدلو مخه ونیسي. پاکستان نه غواړي دا سترې توافق شوې پروژې د واخان، ایران او چین له لارې عملي او صورت وموي. له بلې خوا دپاکستان غېر مشروع موجودیت، تېرې تجربې او اتمام حجت ثابتوي چې د پاکستان د روستۍ د سولې په نامه ‌‌‌‌‌‌ډرامې د تېرو ‌‌‌‌‌‌ډرامو سلسله ده او غواړي د امریکې حکومت د پاکستان په هكله خپلو ممكنو قاطق تصاميمو كې متزلزل کړي. له بلې خوا د چين هېواد پاکستان کې دېرې تاریخي سترې اقتصادي پروژې تر لاس لاندې نیولي نو نه غواړي ددې پروژو تطبيق كې د بلوچانو او افغان عدم اطمینان حالت او یا مانع حالت پاتې وي. د چین هېواد له ‌‌‌‌‌‌ډېرې زمانې راهیسې د سیمې بل سیاسي ساختار طرحه لري او هغه د افغانستان او پاکستان د فدرالي نظام طرحه چې د سېمې د نورو وړو اداري واحدو جوړېدل هم په کې مطرح دي. داچې حالات به کومې خواته درومي او څومره به د افغان ملت، پښتنو او بلوڅو د تراژیدۍ د دامې او لن‌‌‌‌‌‌ډېدو خواته ولاړ شي، په دې پورې هم تعلق لري چې مونږ څنګه خپل اوليتونه پېژنو او د هغو د تحقق لپاره یو موټی عمل کوو؟ ښه دولتداري ایجادوو او د شکلي او د دیموکراسۍ او د خلکو د حاکمیت په نامه، فورمال او شکلي ایجاد شوو سیستمونو او ساختارونو ته درسته او اصلي محتوی ورکوو. مونږ ته د ملي اجماع ته د رسیدو ضرورت او قوت کیدو اړتیا شته. د پردیو د اجنتانو او نوکرانو موثر شتون په افغانستان كې حالات کړکېچن کړي. د افغان ولس او د سیمې د پښتنو او بلوڅو د هڅو او د خېر آواز او ځواكونو يو كول د زمان ضرورت دی. بادرده عناصرو او ملي ځواكونو ته په كار دي چې د قومونو او سمتونو د نفرت او تنفر برنامې شن‌‌‌‌‌‌ډې او په ښکاره ردې کړي او ممثلین یې په ښکاره وغندي او تجرید کړي. نور خپل مصالح لري خو مونږ باید خپل اولیتونه وپېژنو او د تحقق لپاره یې یو موټی کار وکړو. ومن الله التوفیق