په کابل کې د آلمان پر سفارت تر خونړي برید وروسته، یاد سفارت اوس د ویزې ورکړه ځنډولې ده. د دې کار له امله د زرګونو کسانو د ویزې لړۍ له ځنډ او خنډ سره مخامخ شوې. یاد سفارت اوس نوي خدمتونه پيل کړي.
په کابل کې د آلمان سفارت اوس د شینګن د ویزې د ورکړې له پاره نورې لارې چارې معرفي کړي دي. په کابل کې د آلمان سفارت پر خپله رسمي ویبپاڼه لیکلي چې له دې وروسته افغانان کولای شي چې د افغانستان په ځینو ګاونډیو هیوادونو کې د ویزې له پاره درخواستونه ثبت کړي.
په کابل کې د آلمان سفارت د رسمي ویبپاڼې له مخې، د آلمان د بهرنیو چارو وزارت په پام کې لري چې د افغانستان په ځینو ګاونډیو هیوادونو کې د دې هیواد د سیاسي نمایندګیو له لارې افغانانو ته ویزې اجرا کړي. په دې نوم لړ کې د هندوستان پلازمینه ډهلي، د ترکیې پلازمینه استانبول او د متحده عرب اماراتو د دبۍ ښار شامل دي.
د آلمان سفارت له هغو افغانانو څخه چې غواړي په هندوستان، پاکستان، ترکیه، متحده عربي اماراتو او یا هم تاجکستان کې د دې هیواد ویزه ترلاسه کړي، غوښتي چې د آلمان د ویزې تر اخیستو مخکې د دې هیوادونو ویزه ترلاسه کړي او د ملاقات له پاره دې د آلمان له اړوندو سیاسي نمایندګیو څخه وخت واخلي.
په ویبپاڼه کې همدا راز ویل شوي چې د آلمان د بهرنیو چارو وزارت په دې هڅه کې دی چې په هندوستان او پاکستان کې د تحصیلي ویزو، د کورنیو د یوځای کیدو او نور خدمتونه هم پیل کړي.
د دې ترڅنګ هغو کسانو چې تر دې مخکې د خپلو کورنیو د راوستلو او یا هم د تحصیلي ویزو له پاره درخواست کړی، اسنادونه یې اوس مهال د آلمان په برلین کې تر ارزونې لاندې دي. د دې ترڅنګ د آلمان د بهرنیو چارو وزارت په داسې حال کې چې د ویزو ګڼ شمیر درخواستونه ثبت شوي، له افغانانو د زغم او صبر غوښتنه کړې او وايي چې په دې صورت کې دې په ګاونډیو هیوادونو کې بیا ځلې د ویزې له پاره درخواست نه کوي.
ویل کیږي چې په کابل کې د آلمان سفارت ته اوس مهال له ۱۵۰۰ څخه تر ۲۰۰۰ پورې د ویزې درخواستونه شوي. د فرانسې خبري آژانس په دې هکله رپوټ ورکړی چې له دې ډلې څخه کابو نیمايي برخه یې داسې ویزې تشکیلوي چې «په آلمان کې منل شوي افغانان غواړي خپلې کورنۍ دې هیواد ته وغواړي».
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
