د مریکا جمهور ريیس د ملګرو ملتونو کلنۍ عمومي غونډې ته په لومړي ځل خپله وینا واوروله. تر وینا له مخه اټکل داسې کېده چې ټرمپ ښایي د نړۍ پر حالاتو تونده لهجه وکاروي. اما د اټکل برعکس ښاغلي ټرمپ خپله وینا د امریکا له داخلي سیاسته پیل کړه او د خبرو اصلي جوړښت یې د انټرنیشنلیزم پر چوکاټ ولاړه و.
نوموړي د نړۍ خلکو ته وښووه چې ملتونه خپل اینده او خپل سرنوشت په خپل لاس لوبوي. که چېرته د نړۍ ملتونه د یوې ښې ایندې لهپاره په فکر کولو پاتې شي؛ نو خامخا د خپل ملت د ښې اینده تضمین کولای شي. د ټرمپ له خبرو داسې څرګندېده چې ګویا امریکا د نړۍ امنیت ته ګواښ نهشي زغملای. اما د نړۍ په مهمو جګړو لکه یمن، سوریه، افغانستان او ان د شمالي کوریا د اټومي وسلو پر موضوع خبرې یې د امریکايي انټرنیشنلیزم پر محور څرخېدې. ټرمپ ځان «امریکا» د نړۍ په سیاسي مستوی کې برلاسی بولي او د یوې امریکایي انټرنشنلیسټي ایډیالوژۍ لهپاره پراخ کمپاین کوي.
د ټرمپ دوکتورین به امریکایي فراحاکمیتي نظریې ته لا غښتلتیا ورکړي چې امریکایان اوس هم د کیوبا او شمالي کوریا د کمونیسټي ایدیالوژۍ پراختیا نهشی زغملای. همدارنګه د ټرمپ په وینا کې د اسلامي نړۍ په سیاسی محور کې د سعودي عربستان د رول یادونه وشوه او سعودي رژیم یې وستایه چې د امریکا په نړیوال سیاست کې د امریکایي ایډیالوژیو یو ښه تمثیلونکی دوست دی.
ټرمپ په ظاهر کې د ریالیزم نظریه کاروله او د نړۍ له ټروریسټي ډلو سره جنګي مبارزه یې د خپل ماموریت لومړیتوب یاداوه، خو په باطن کې له ټروریزم سره جګړې تر عنوان لاندې په نړۍ د امریکایي وسلو ستره سودا کوي. په سوریه، یمن او د عربو نوی کړکېچ د امریکایي وسلو تود بازار خپله د هارډ پاور استعمال په مصداق د امریکایي انټرنیشنلیزم نظریه ده چې ټرمپ یې غواړي د نړۍ ستر مسایل څنګه د امریکا د فعال نقش په دایره کې ونغاړي.
ټرمپ د افغانستان مساله په سطحي شکل یاده کړه او د سیمې لهپاره یې خپله نوې سټراټېژي یو مجبوریت وباله او پاکستان ته یې په ضمني اشاره کې خپل تمرکز په نړیوال بعد کې د امریکا د ګلوبلایز کېدو پر پراختیا وښوو.
سرخط ورځپاڼه
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
