ډاکټر نورعلي جبارخیل له تېرو اتو کلونو راهیسې په یوناما کې د ټاکنو د چارو د څانګې مسؤلیت لري او تر هغه یې وړاندې د ټاکنو په خپلواک کمیسیون کې د بهرنیو اړیکو مسؤل وو.
د لندن میشتي پارلماني مطالعاتو د نړیوال مرکز دې جایزې ته د پنځوسو هیوادونو د ټاکنو اړوندو بنسټونو نه استازي کاندید ول چې له افغانستان نورعلي جبارخیل او له ارجنټاین یو بل کاندید ددې جایزې ګټونکي بلل شوي دي.
دا مراسم چې تېره د اردن د بحر المیت په سیمه کې دایر شوي وو، د پنځوسو هیوادونو دوه سوه د ټاکنو استازو پکې برخه اخېستې وه.
ښاغلي جبارخیل امریکا غږ اشنا راډیو وویل” دا جایزه راته د ټاکنیزو شخړو د مدیریت په برخه کې راکړل شوه. د ټاکنو د اوو نړیوالو متخصصینو له لوري چې په یوه کمیټه کې وو له ارزونې وروسته وړونکی اعلان شوم”.
هغه وویل د نړیوالو ټاکنو د چارو پدې سمپوزیم کې چې د ډیسمبر په څلورمه دایره شوی د افغانستان د ټاکنو په تړاوو تجربې هم شریکې شوي دي.
ښاغلي جبارخیل دا هم وویل چې نوموړی په افغانستان کې د ملګرو ملتونو د مرستندویه پلاوي یا یوناما سره کار کوي او دا جایزه یې په یوناما کې د ټاکنو په تړاوو د ښو فعالیتونو په اساس ورکړل شوې ده.
هغه وویل “د ۲۰۱۴ کال په ولسمشریزو ټاکنو کې چې له شخړو ډکې ټاکنې وې، زما له یوناما سره کار او د دواړو کاندیدانو سره د یوناما په استازیتوب لیده کاته او فعالیتونو دغې جایزې ته ونومولم”.
د پارلماني مطالعاتو دا نړیوال مرکز له تېرو پنځو کلونو راهیسې د نړۍ په مختلفو هیوادونو کې د ټاکنو په تړاوو د غوره کارکوونکو لپاره جایزې اعلانوي او دا لومړی ځل دی چې یوه افغان ته دا جایزه ورکول کیږي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
