که  اشرف غني کلک ونه دریږي، بدې پيلي به ولري!/ ډاکتر ګل مرجان منګل

پداسی حال کې چې د اشرف غني دا عمل چې د بلخ والي عطا ممد یې له شپاړسو کالو ورسته چې په یاد ولایت کې والي پاتي شوی وو او ځانته یی امپراطوری جوړه کړی وه، له دندي ګوښه کړ ولس وستايه او ستایي یې خو که اشرف غني له دغه پرېکړې په شا شي او یا د عطا ممد سره بله کومه مامله تر سره کړی نو دا به د اشرف غني لپاره په لوی لاس سیاسي ځان وژنه وي، ځکه خو اشرف غني ته په کار ده چی سنګر خوشی نه کړي خپله پریکړه د قانون د  ورکړل شوی سلاحیت په سیوره کې عملي کړي.دا ځکه چی د اشرف غني همدغه پریکړه چې پورته یی یادونه وشوه نه یوازې د  ولس بلکی د هغو اشخاصو او افرادو چی د تیرو ټاکنو څخه وروسته له هغه څخه خپه شوی وو هم اعتماد حاصل  کوالي شي، هغوی ته به د اشرف غنی هغه شعار چی موازي حکومتونه ختموم په ثبوت ورسوي.
د اشرف غني همدغه پریکړه نه یوازي د اشرف غني د سیاسي راتلونکی لپاره مهمه ده بلکې د افغانستان او د افغانانو د ښې راتلونکی زیری هم د ځانه سره لري، ځکه ولس ته هیله پیدا کیږی چې رڼا راروانه ده، قانون پر زورور او کمزوري یو ډول پلی کیدونکی دی.
همدارنګه هغه وخت راروان دی چی د زورور، غلو، د دولتي او شخصي ځمکو او کورونو د غاصیبینو سره د حساب او کتاب وخت راروان دي او په دولت کی فساد مخ په ټولیدو دی بلاخره کار اهل کار ته سپارل کیدونکی دی.
خو که اشرف غني عطا لرې نه کړي او خپله پریکړه عملي نه کړي اشرف غنی به هغه محبویت چی تر اوسه ورپاتې دی هم له لاسه ورکوړي راتلونکی ټاکنو کی سوال نه پیدا کیږی چی څوک رایه ورکړي او ډیر خراب تاریخ به تر شا پریږدي، بلخوا به عطا ممد لا ډیر وپړسیږی بیا به یی ټيټول ډیر ګران وي.
بله مهمه خبره چی د عطا ممد د نه لرې کیدلو له امله به رامنځ ته شي هغه دا ده چې په مختلفو ولایاتونو کی به مختلف زورور سرونه راپورته کړي هر خوا به وړې وړې د قدرت جزيرې جوړې شي افغانستان به پر ملک الطوایفی بدل کړي، فساد به لا زور واخلي، لا ډیرې ځمکې به غصب شي، شورت به لکه د اوس په شان عامه خبره شی قانون به هیځ ځای نه تدبیق کیږی بلاخره په افغانستان په ځنګل تبدیل شي.
ځکه خو اشرف غنی ته پکار ده چی د خپلې پریکړې تر شاه کلک ودریږی عطا ممد له امپراطورۍ لرې کړی ورپسي چې د افغانستان په هر کنج  او کنار کې داسې کس یا ډلې ګوری چی په سر کی یی د بدماشۍ هوا ګرځی ټول چپه کړی، ورپسې د رشوت خورو، د ځمکو غاصیبینو او ټولو غلو ته اعلان وکړي چی رشوت، غصب،غله او فساد بند چا که سر غړونه وکړه سخته جزا ورکړل کیږي، همدارنګه کار د اهل کار ته وسپاري د قوم، سمت، ژبې په نومونو د د چوکیو د ویش ناوړه پديده له منځه یوسي.
که اشرف غنی دا کارونه تر سره کړل یو خوا به ورڅخه خدای پاک راضې شي بله خو به ولس ورته دوعاګانې کوی په راتلونکی ټاکنو کی یی د وړلو چانس سلو ته رسیږي. نو دا اوس پر اشرف غني پورې اړه لري چی څه کوی؟

ومن الله توفیق
مننه
ډاکتر ګل مرجان منګل
21/12/17