که پښتو غواړې ننګرهار ته لاړ شه !

که پښتو غواړې ننګرهار ته لاړ شه !
( بدېع صیاد د ټاکنو کمېسیون کمېشنبر)

اوس د ټاکنو کمېسیون کې خبریالانو ته یو فورم ورکول کېږي، چې خپل هویت په کې ولیکي او مرکې لپاره پوښتنې مشخصې کړي.
ماته یې فورم راکړ په دري ژبه کې لیکل شوی و.
پوښتنه مې وکړه په پښتو کې فورم نه شته؟
ویل یې نه
دري او پښتو زمونږ ملي ژبې دي.
ما ویل هو
خو باید تاسې پښتو کې هم داسې فورم ولرئ
ویل یې ته ولې تعصب کوې؟
ما ویل دا تعصب نه ده دري او پښتو زمونږ رسمي ژبې دي په اساسي قانون کې یې هم ذکر شوی.
ویل ښه چې داسې ده نو ته یې ځوابونه پښتو کې ولیکه.
فورم مې ډک کړ.
مرکې لپاره د بدیع صیاد دفتر ته ورغلم
هغه وویل ولې ته داسې ټینګار کوې
ته حق نه لرې زمونږ په کارونو کې لاس وهنه وکړې دا تاپورې اړه نه لري چې په کومه ژبه فورم جوړ کړو.
که پښتو غواړې نو ننګرهار ته لاړ شه دا کابل ده.
زما ټینګار داوه چې کابل د ټولو قومونو ګډ کور دی او دلته باید دواړو ژبو تمثیل وشي.
دا کوم غیر قانوني ټینګار نه ده.
د ویلو لپاره څه نه درلودل
صیاد صیب په تنده لهجه راته وویل چې ته څه ولسمشر یې؟
په دې وخت کې سکرتر را ننوته ویل یې تا غیر قانوني کار کړی
زه حیران پاتې شوم چې دا غیر قانوني کار به مې څه وي؟
ویل تا زمونږ اسناد کتلي دي؟
هغه اسناد نه ول یوازې تاریخ تېره اعلامیه وه چې خپله یې راکړه.
ورته مې کړل
امنیتي کامرې دې وګوره چې دا اسناد تا راکړي او که ما ستا له مېز اخیستي دي؟
پاتې راغی.
زړه نازړه مرکه مې وکړه
دا کسان پښتانه وو، نه پوهېږم په خپل ژبه شرمېدل او که ورته ویل شوي دي.