دعوت میډیا ۲۴ (جمعه، ۳ وری، ۱۳۹۷): د امریکا د ولسمشر ډونلډ ټرمپ د ملي امنیت سلاکار ماک ماسټر له خپلې دندې څخه استعفا ورکړه.
د ولسمشر په توګه د ټرمپ د انتخاب وروسته ماک ماسټر په سپینه ماڼۍ کې هغه جګپوړی چارواکی وو چې نوموړی یې په افغانستان کې جګړې زیاتولو ته وهڅاوه او د اضافي ځواکونو ټینګار یې وکړ.
درې ستوري لرونکی جنرال ماک ماسټر چې په افغانستان کې يې د امریکايي ځواکونو د مشر قومندان په حیث دنده تر سره کړې، په سپينه ماڼۍ کې تر ټاکل کېدو وروسته یې ټرمپ ته قناعت ورکړ چې د افغانستان او جنوبي اسیا د هیوادونو په اړه نوې ستراتیژې جوړه کړي چې تر ډېره په افغانستان کې د جګړې او بمباریو تیزولو، اضافي ځواکونو را لیږلو او نویو ملیشو جوړول یې د سر ټکي وه.
د تیرو څو اونیو راهیسي د نوموړي په اړه راپورونه ورکول کېدل چې د ولسمشر ټرمپ سره یې اړیکې کړکیچنې دي او تمه کېده چې هغه به له سپينې ماڼۍ څخه وشړل شي.
ټرمپ ته ځیني داسي ویناوي هم منسوب شوي وې چې د ماک ماسټر د شخصیت په اړه یې ناخوښي څرګنده کړې او د اضافي ځواکونو پر ډېر ټینګار یې ویلي چې غواړي نوموړی هم د اضافي ځواکونو سره یو ځای افغانستان ته ولیږي.
د ماک ماسټر پر ځای نوی امنیتي سلاکار:
ټاکل شوې چې د راتلونکي میاشتې مارچ پر ۱۹مه نیټه «جان بولټن» د نوې امنیتي سلاکار په حیث رسما پر دنده وګمارل شي.
نوموړی چې د جورج بوش د ولسمشرۍ پر مهال په ملګرو ملتونو کې د امریکا سفیر وو، په اړه یې ویل کیږي چې ښې لاسی سخت دریځی دی، پر هغه تور دی چې د عراق پر ضد دجګړې د کلکو ملاتړو څخه وو او د عراق د اټومي وسلو د راپورونو په تزویر کې یې لاس درلود.
امریکا د جورج ډبلیو بوش په وخت کې پر عراق د اتومي وسلو په بهانه برید وکړ خو وروسته هیڅ داسي دلیل ونه موندل شو چې عراق دي اتومي وسله لرلې وي.
نوموړي ته په منسوبو ویناو کې راغلي چې هغه په کال ۱۹۹۴ کې ویلي: «ملګري ملتونه وجود نه لري، بلکې یوه نړیواله ټولنه شتون لري چې مشري يې په نړۍ کې یوازینی لوی قوت امریکا کوي، ځکه نو چې هر چیرته د امریکا ګټې وي، نوره نړۍ به مجبورا د امریکا سره ګامونه اوچتوي».
د الجزیرې د راپور سره سم جان بولټن په امریکا کې په پراخه کچه سخت دریځی او متوحش انسان بلل کیږي چې د امریکا په مقابل کې هیڅ یوه بل هیواد ته په احترام نه دی قایل، په سپینه ماڼۍ او د امریکا په کابینه کې د وروستیو بدلونونو سربېره د ملي امنیت د سلاکار په توګه د هغه ټاکنه د امریکا حکومت نور هم د تعصب او سخت دریځی پر لور بیايي.
الجزیره او سي ان ان
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
