د افغانستان اسلامي جمهوري دولت نه یوازې د خبرو تر کچې له مخالفینو سره سولې ته ژمن دی، بلکې په دې برخه کې یې په ملي او بین المللي کچه یې عملي او پام وړ اقدامات کړي او دغه اقدامات دا په ډاګه کوي چې دولت واقعاً په هېواد کې د سولې او ثبات تامین ته ژمن دی.
د هېواد په داخل کې له بېلابېلو اقشارو سره د سولې په اړه سلا مشورې، طالبانو او پاکستان ته د ولسشمر د سولې او مذاکرې وړاندیزونه، د امریکا متحدو ایالتونو په ګډون د اسلامي هېوادونو او د سیمې د هېوادونو د اجماع رامنځته کول او د افغانانو په مالکیت او رهبرۍ د سولې بین الافغاني مذاکرتو ملاتړ د سولې په برخه کې د حکومت عملي هڅې او اقدامات په ډاګه کوي.
همدارنګه په دې وروستیو کې سعودي عربستان، جرمني او د امریکا متحدو ایالتونو ته د د افغانستان د ملي امنیت د سلاکار محمد حنیف اتمر د کتنو او له یادو بېلابېلو مقاماتو سره د هغه کتنې تر ډېره د سولې پر موضوع راټولې وې او دوی پر دې هم بحث وکړ چې څنګه کېدلی شي له وسله والو مخالفینو سره د سولې بهیر پیل او په بریالیتوب پایته ورسېږي.
د ښاغلي اتمر په وینا افغانستان دا صلاحیت لري چې د خپلې سولې لپاره د نړۍ ملاتړ ترلاسه کړي او افغان حکومت په دې برخه کې تر ډېره حده بریالی دی، ځکه چې نړۍ د دوی د دغه برحقه دریځ ملاتړ کړی او د افغان سولې لپاره یې در هر ډول همکارۍ چمتووالی ښودلی دی.
د سولې په برخه کې د سولې عالي شورا تحرک او اقدامات هم د قدر وړ دي، ځکه چې په دې وروستیو کې یې د هېواد په بېلابېلو ولایتونو او زونونو کې د ټولنې له مختلفو اقشارو سره مشورتي غونډې را پیل کړي، د سولې په اړه یې د دوی نظریات او مشورې اخیستي او د دې ترڅنګ یې د ځینو هېوادوالو اندېښنو ته هم ځواب ویلی او د دوی ډاډ او قناعت یې ترلاسه کړی دی. یانې د سولې عالي شورا د سولې لپاره د بستر او ذهنیت جوړولو بوخته ده او په دې برخه کې ښه پرمختګونه هم لري. چې هم یې د ولس باور او رضایت ترلاسه کړی دی او هم یې د سولې او ثبات د تامین لپاره د ولس همکاري جلب او امیدواري زیاته کړې ده.
د ازبکستان پلازمېنه تاشکند کې جوړېدونکی کنفرانس چې تر ډېره به په افغانستان کې د سولې پر موضوع متمرکز وي، د افغان دولت د سولې د هڅو او اقداماتو له برخې څخه دی. په دغه کنفرانس کې به یو وار بیا ټوله سیمه سره یو ځای شي او پر طالبانو به غږ وکړي چې دوی د افغانستان د جمهور رئیس د سولې د طرحې ملاتړ کوي او له طالبانو غواړي چې له سولې سره یو ځای شي دا به تکراري غږ وي، مګر مهمه داده چې د افغانستان خلک پوه شي چې نړۍ د دوی ملاتړ کوي او طالبان باید پوه شي چې دوی په نړۍ کې یوازې دي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
