د دولتونو مناسبات په عواطفو نه، بلکې په متقابلو ګټو ولاړ وي

0 512

محمدبشیر یوسفزوی

د دو دولتونو ترمنځ اړیکې باید په متقابل درناوي، دوستانه مناسباتو او متقابلو ګټو ولاړې وي، په دې برخه کې باید پر اړیکو عواطف او احساسات حاکم نه وي. کله چې یو بل ته د ورور خطاب کوئ، د دې معنا داده چې تاسې د یوې عاطفي رابطې د لرلو ادعا لرئ. عاطفي مناسبات هغه وخت مطرح کېږي چې د دولتونو ترمنځ ثابتې اړیکې موجودې وي.

د اړیکو عاطفي او د ورورګلوۍ بڼه د خلکو ترمنځ ده، نه د دولتونو. ولسمشر غني هیڅ وخت د دولت کارونه د فامیلي موډل په اساس نه اجرا کوي او نه هم پر ګټو عواطفو ته لومړیتوب او ارزښت ورکوي.

د ولسمشر غني د واکمنۍ پرمهال زموږ مناسبات واضح شوي. زموږ په مناسباتو کې وضاحت رامنځته شوی دی اوس د دې وخت را رسېدلی دی چې موږ اقدام وکړو او له پاکستان سره تفاههم او اعتماد رامنځته کړو، مګر تر هغو چې پاکستان زموږ په ضد نا اعلان شوی جنګ ونه دروي، نو د دواړو هیوادونو تر منځ د ښو مناسباتو لرلو ادعا، د تفاهم او باور ایجاد ادعا بې ځایه او ناسمه ده.

د دې لپاره تر ټولو مهمه داده چې پاکستان د افغانستان پر وړاندې خپل نا اعلان شوی جنګ باید ختم کړي، دواړه غاړې دي سیستماتیکو او رغاوونکو خبرو ته کېني، تر څو سوله تامین شي. خطر چېرته دی؟ خطر دلته دی چې موږ له خلکو سره د خلکو عالي مناسباتو څخه د خلکو په منځ کې د دښمنۍ لورته حرکت وکړو، دا هغه څه دي چې زه غواړم مخه یې ونیسو.

په دې کې شک نشته چې پاکستان افغان کډوالو ته پناه ورکړې چې افغانستان یې منندوی دی، مګر له بده مرغه په دې وروستیو کې د جنګ لپاره یې له همدغو کډوالو څخه په زور یا په رضا د افغانستان پر ضد استفاده کړې او د دې لپاره تر ټولو ښه داده چې دغه کډوال هیواد ته په عزت سره راستانه شي. افغان مهاجرو، په ځانګړي ډول د جهاد کلونو کې دا احساس ونه کړ چې په پردۍ خاوره کې اوسېږي، هغوی داسې هېواد کې ژوند کاوه چې هغه یې پيژانده او درناوی یې ورته درلود.

 له خلکو سره د خلکو روابط عاطفي دي، په هغه کې ډېر احساسات پراته دي. زموږ نیت دی خپل کډوال بېرته وطن ته راولو، لیکن د دولت ـ دولت سره روابط باید په منطق ولاړ اوسي ـ د متقابلو ګټو او بالمثل عمل د پرنسیپونو په اساس.  کله چې بالمثل مثبت عمل ترسره کېږي، موږ حرکت کوو، خو که کله منفي عمل کېږي، موږ پڅ او ورو کوي. بنیادي ټکی دادی چې افغانستان او پاکستان لکه هر بل ګاونډی، له اوږده تاریخه یو بل سره وصل دي، موږ باید یو ځای کار وکړو، چې خپلې ګډې ستونزې حل کړو، له یو بل سره لکه دوه رقیبان مخامخ نشو، که نه بیا به تروریستان بریالي وي.  

نو که پاکستان غواړي چې له افغانستان سره خپلې اوسنۍ اړیکې له سره ورغاوي، نو ښایي چې د ښه ګانډیتوب او د متقابلو ګټو اصل ته درناوی ولري او دولت په دولت اړیکو ته ارزښت ورکړي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply