يوې زده کوونکې په ګينېا کې نه غوښتل چې څوک يې په وروستيو ازموينو کې له ګډون څخه مخه ونيسي. حتی خپل ماشوم يې هم چې د امتحان پرمهال يې وزېږاوه.
ميندواري ۱۸ کلنې فاتوماتا کوروما کوندې د ګينېا د ختيځ په مامو ښار کې خپل د فزيک امتحان ورکاوه. ازموينې ته د کښېناستو پر مهال دا په ځان پوهه شوه چې لږ وروسته ښايي ماشوم و زېږوي.
دغه ځوانه ښځه روغتون ته ولېږدول شوه او په لسو دقيقو کې يې ډېر ژر هلک وزېږاوه. دغه ځوانه ښځه څلويښت دقيقې وروسته بيرته د ازموينې خونې ته ستنه شوه او خپل مېز ته کښېناسته چې د هغې د فاميل تر څنګ يې د امتحان د څارنې مسئولين هم هک پک حيران کړل.
ځايي رسنيو دغه کيسه لومړی خپره کړه
د هغې دغه کيسه لومړی د ځايي رسنيو له خوا خپره شوه، خو د فزيک د ازموينې ځايي مشر هم هغه تائيد کړه. مېرمن کوندې د فرانسې خبري اژانس ته ويلي دي چې خپل مېړه ته يې آن دا ويلي نه ول چې د کوچني زېږېدو ته يې ډېر لږ وخت پاته دی.
د هغې ويره دا وه چې ښايي مجبوره شي چې په کور کې پاته يا ډاکتر ته ولاړه شي. د هغې په خبره «ما تصور نه شوای کولی چې له دغه وروستي امتحان څخه تېره شم، چې ټول کال مې ورته درس ويلی وو.»
د کوندې مېړه پوليس دی چې د يوه دوست په حواله يې ډېر خوشحاله دی او هر چا ته د خپلې «پياوړې مېرمنې» کيسه کوي. نوموړي دا هم ويلي دي چې «موږ خدای ته دعا کوو چې فاتوماتا به خپل فراغت تر لاسه کړي.»
هغوی غواړي پر هلک باندي د «اېسپوار» نوم کښيږدي چې په فرانسوي ژبه کې د هيلې او اميد معنی ورکوي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320