د پوتين د روغتيا او له واکه د گوښه کيدو په اړه گنگوسې

0 897

په روسيه کې له څو ورځو راهيسې د ولاديمير پوتين د روغتيا په اړه گنگوسې اوريدل کيږي، خو د کريملن وياند دا گنگوسې او اټکلونه رد کړي دي. ويل کيږي چې پوتين په پارکيسنون او سرطان اخته دی او له ژور خفگانه هم کړيږي.

له څو ورځو راهيسې په روسيه کې له واکه د ولسمشر پوتين د احتمالي ليري کيدو په اړه اټکلونو ډېر زور اخيستی دی. داسې گنگوسې دي چې پوتين ډېر ناروغ دی او د واک د انتقال له پاره یې يو هر اړخیز پلان طرحه کړی دی.

د آلمان لومړي تلويزيون شبکې د دوشنبې په ورځ (د نومبر ۳۰ مه نيټه) د پوتين د روغتيا په تړاو د گنگوسو په هکله يو رپوټ خپور کړی دی.

په مسکو کې د ديپلوماتانو د روزنې د اکاډمۍ پخوانۍ پروفيسرې والري سولووي، چې د پوتين د منتقدينو څخه يوه ده، هم د ۲۰۲۱م کال په جنوري مياشت کې د پوتين له لوري د واک د انتقال خبره نه ردوي.

سولووي ادعا کوي چې د راتلونکي کال په جنورۍ میاشت کې به روسيه د سترو سياسي بدلونونو شاهده وي. هغه په دې آند ده چې د مرکزي بانک رئيس بدليږي او آن دا گنگوسې هم کیږي چې ولاديمير پوتين ښايي له دندې گوښه شي.

سولووي ويلي چې خپل دا معلومات یې پوتين ته له نزدې يوې منبعې څخه ترلاسه کړي دي. داسي گومان کيږي چې پوتین سرطان لري او دا هم ويل کيږي چې هغه په پارکينسون ناروغۍ اخته دی. آن دا هم ويل کيږي چې د روسيې ولسمشر د دیپريشن يا ژور خفگان د درملنې په موخه دوا کاروي.

د والري سولووي په آند له سياسي واک څخه د پوتين د جلا کيدو پريکړه د هغو کسانو توصيه ده چې پر هغه نفوذ لري. سولوي په کريملن ماڼۍ کې له نفوذ لرونکو څخه يوه د پوتين لور آلينا کابايوآ بولي.

دا په داسې حال کې ده چې د کريملن وياند ديميتري پيسکوف د پوتين د ناروغتيا او له واکه د گوښه کيدو گنگوسې رد کړي دي او د روسیې د ولسمشر د بشپړې روغتيا خبره يې کړې ده.

يو شمير کارپوهانو هم چې د سياسي علومو کارپوه ستانيسلاو بلکووسي هم پکې شامل دی، دا ډول ادعاوې بې بنسټه بللي دي او ويلي يې دي چې دا ادعاوې د روسیې د پولو دباندې د خلکو له خوا رامنځته شوي دي او د هغوی له خوا خپريږي.

بايد وويل شي چې د پوتين د شديد ټوخي او د هغه د لاسو او پښو د رېږدېدو په اړه خپرې شوي ويديوگاني د دې ډول گنگوسيو او اټکلونو باعث شوي دي.

دویچه ویله

 

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply