بریالی ماشوم بریالی انسان

بريالی ماشوم بريالی انسان!

په عمومي ډول ډيري ميندي او پلرونه دا واي ،چي تر اوسه خو لا دا ماشوم دي،چي دا ناسمه خبره ده ,په ياد ولرئ! چي کامياب ماشوم کامياب انسان جوړیدای شي ،کوم ماشوم ته چي موږ د ماشوم فکر کوو ،په حقيقت کې دا يو مکمل انسان دی،رښتيا ھم داسي يو انسان لکه څرنګه چې موږ او تاسو يوو،بس د ده ونه يو څه ټيټه او غوښتني يي څه مختلفي دي،دی ھم ھمداسي فکر کوي او پوهيږي لکه څرنګه چې يو بالغ انسان فکر کوي او پوهيږي ،که يو څه ژور ولاړ شو ،نو د اووه کلنې په موده کې د فکر کولو ،پوھيدلو او زده کولو عمل د بلوغت له وخت ډير تيز وي،خو دوی دا ھر څه د کم عمري او په ټولنيز ژوند کې د زياتي ونډي نه ورکولو له امله د لويانو په ډول نه شي اظهارولای ،
څيړنو دا خبره ډيره پخوا په اثبات رسولي ،ھغه چي په ماشومتوب کي يو شي زده کړي،ھغه يي د عمر تر پايه په ياد وي،د دي تر ټولو لوی مثال د ماشومتوب واقعات دي،که تاسې د شپيته يا اويا کلن عمر لرونکي د دوی د تير وخت پيښو پوښتنه وکړئ،د دوي به ډيري د ځواني خبرې له ذهن وتلي وي،خو د کوچنيوالي پيښي به يي په ياد وي،دا د دي خبري ثبوت دی ،چي د ماشومتوب حافظه ډيره قوي وي،
نو تاسې اوس ھم خپلو ماشومانو ته په دغه فکر چي دوی ماشومان دي ھيڅکله د بي پروايي اظھار مه کوئ ،بلکي له دوي چي په لويوالي کي څه شي جوړول غواړئ ،دوي ته ھمھغسي فکر وکړئ،او له اوس څخه لا ھغسي سلوک ورسره وکړئ.