ايډيال شئ

تاسو چي د غوسي او خفګان پر وخت ډسپلن او پر ځان کنټرول ولرئ،نو بچیان مو له دي يو درس اخلي ،وروسته چي دوي غوسه او نارامه وي،دوي به هم ډسپلن او پر ځان باور لري.
د موراوا پلار په توګه ستاسو مهمه وظيفه بچيانو ته ارزښتونه ورزده کول او د هغوي شخصيت جوړول دي.

بايد رښتينولۍ ورزده کړئ،کوم ارزښتونه چي هر وخت هغوي لپاره غواړئ ،هغه ارزښتونه په خپل ځان کي پيدا کړئ.
رښتينولي يا صداقت د شخصيت اصلي زړی دي،دا بايد د مهم ارزښت په توګه بچيانو ته ورزده کړئ.

تاسو چي بچيانو ته ځينې ارزښتونه ښيئ،او په اخپله يي عملي کوئ،مثلآ د ژوند له ملګرې سره مينه کوئ،پر بيوزلو زړه سوزوئ،سخاوت کوئ،بيلا بيل نظريات زغمئ،له ستونزو سره په زړورتيا مخ کيږئ،او ډير زيار کاږئ.
بچيان مو همدا چلندونه د خپلو ارزښتونو په توګه قبلوي،بيا چي رالوی شي،په هر ځای کې د چلن پر وخت دا ارزښتونه مراعاتوي.

دښو ارزښتونو تقويه او بچيانو ته سمه لاره ښودل دوامداره کار دي،داسي نه کيږي چې يوه ورځ په صداقت او زړه سوي،وغږيږئ،او نور بي غمه شئ،دا درسونه بايد کلونه کلونه دوام وکړي.

که غواړئ بچيان مو يو ځانګړی چلن ولري،بايد کلونه کلونه هغه چلن ورته تکرار کړئ،که بچيان منظم غواړئ ،تاسو بايد منظم شئ،چي هغوي درنه زده کړې ،د بچيانو د روزنې پايلي ټول عمر پاتي کيږي.