د راپورونو له مخې دغه سړی د ختيځ آلمان د واکسيناسيون په مرکزونو کې ۸۷ ځله د کرونا پر ضد واکسين شوی دی. چارواکي باور لري چې هغه غوښتل د واکسين ضد پر افرادو باندې د واکسين کارټونه وپلوري.
عکس له آرشيف څخه
د يوه داسې آلماني په وړاندې همدا اوس پلټنې جريان لري چې چارواکو يې په هکله موندلي چې د کرونا ويروس ضد واکسين يې ۸۷ ځلې لګولی دی. دغه خبره د »فرايه پرېسه« ورځپاڼې د جمعې په ورځ کړې ده. دغه رپوټ داسې مهال خپور شوی چې آلمان د کوويد-۱۹ په وړاندې مبارزه کوي او غواړي چې د واکسين شوو کسانو فيصدي د نورو اروپايي هېوادونو په څېر لوړه کړي.
ولې يې دومره ډېر ځله ځان ته واکسين لګولی؟
د آلمانۍ فرايه پرېسه ورځپاڼې په حواله دغه ۶۱ کلن سړي د زاکسن او زاکسن آنهالت په آيالتونو کې د واکسيناسيون بېلابېلو مرکزونو ته مراجعه کړې وه. داسې اټکل کيږي چې دغه سړي په بېلابېلو مرکزونو کې د ورځې تر درې ځلې پورې واکسين لګولی دی چې يوازې د آلمان د زاکسن په آيالت کې يې د واکسینونو شمېر ۸۷ واکسينو ته رسيږي.
د آلمان درېسدن په ښار کې د واکسيناسيون د مرکز يو کارکوونکی په دغه سړي هغه مهال شکمن شو کله چې يې نوموړی وپېژاند. دغه خبره د آلمان د سره صليب يوه وياند، کای کرانيش، يادې ورځپاڼې ته کړې ده. ورپسې ځل چې نوموړی سړی د آيلنبورګ په ښار کې د واکسيناسيون يوه مرکز ته ورننوت، پرسونل پوليسو ته زنګ وواهه او ياد سړی د پولیسو له لوري ونيول شو.
د رپوټ له مخې دغه سړي چې هر ځلې به يوه مرکز ته ورغی، نو له ځانه سره به يې د واکسين يو نوی سپين سند درلود. د واکسين تر لګولو وروسته به يې د واکسين په هکله معلوماتي پاڼه شکوله او د واکسين ضد پر افرادو به يې خرڅوله. دغه سړي به په خپل اصلي نوم او د زېږېدو له نېټې سره ځان د واکسين له پاره ثبتاوه، خو د روغتيايي بيمې کارټ به يې هيڅکله نه ښوده څو يې له چل او درغلۍ څخه پرده پورته نه شي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.