د بریا او کاروبار اړوند د لیکوال کیوساکي څو مهم درسونه

د بریا او کاروبار اړوند د لیکوال کیوساکي څو مهم درسونه:

۱- له خپلو ویرو او ګواښونو تېښته مه کوئ، بلکي ورسره مخ شئ. که داسي وکړئ، نو پر مخ به مو د یوې نوي نړۍ دروازه خلاصه سي.

۲- که غواړئ یوه نوي ځای ته سفر وکړئ، داسي یو کس پیدا کړئ چي مخکي هلته تللی یا اوسېدلی وي.

۳- هڅه وکړئ په خپل ذهن کي لویي هیلي وروزئ، تل فکر وکړئ د یو منظم پروګرام له مخي مخکي لاړ شئ او واړه ګامونه واخلئ. دا د تلپاتي او پایداري بریا راز دی.

۴- ستاسو راتلونکی په هغه کار پوري تړلی دی چي نن یې په ترسره کولو بوخت یاست.

۵- ځیني کسان د بریا لپاره یوازي د خیالونو په نړۍ کي ژوند کوي، خو ځیني نور را پاڅیږي، عملاً لاس په کار کیږي او خورا ډېر کوښښ کوي.

۶- د پیسو لپاره کار مه کوئ، پیسې دې ته اړباسئ چي ستاسو لپاره کار وکړي.

۷- د بریا اصلي رکن صبر او استقامت دی.

۸- که د فکر کولو بڼه بدله کړئ، کولای سئ خپل رفتار ته هم بدلون ورکړئ.

۹- که غواړئ شتمن شئ، ښه طریقه یې دا ده چي نورو ته هم ور زده کړئ ډول شتمن شي.

۱۰- که ناهیلي شئ او له کاره لاس واخلئ، نو له مسکین پرته بل څه نه شئ کېدای. ستاسو په ژوند کي تر ټولو مهمه دا ده چي یو کار وکړئ.

۱۱- ډېری کسان شتمن کېدل غواړي، خو دوی په دې برخه کي یوازي خبري کوي. که غواړئ شتمن شئ، په کار لاس پوري کړئ. لویي هیلي په وړو ګامونو سره پیل کړئ.

۱۲- یوازي خبري کول ارزښت نه لري، تر خبرو عمل غوره دی. که غواړئ یو څوک وتلئ، نو د خبرو پر ځای یې عمل ته ګورئ.

۱۳- مهارتونه او وړتیاوي مو د شتمن کېدو لامل ګرځي.

۱۴- که غواړئ شتمن شئ، نو د ډیرو کسانو لپاره کار او خدمت وکړئ.

۱۵- په اصل کي هیڅ تېروتنه نشته، هغه څه چي تاسو ته تېروتنه ښکاري، په اصل کي مو له فرصتونو خبروي.