په روژه کې څنګه د سردردۍ مخنیوی وکړئ؟

سردردي یو له هغو روغتیایي ستونزو څخه ده چې له استثنا پرته نږدې هر کس پرې اخته کیږي، او د همدې لپاره هر څوک کوښښ کوي له ریښتیني علت معلومولو پرته سمدلاسه د درد وژونکي درملو اخیستلو ته مخه کړي، په دې فکر چې په درملو سردردي له منځه وړل تر ټولو غوره لار ده، خو دا په بشپړه توګه ناسم فکر دی.
د نورو وختونو په پرتله په روژه کې هم یو شمېر خلک له سردردۍ شکایت کوي، د روژې سربېره له عبادت کولو هم خوند نشي اخیستلی چې له سترې ستونزې سره مخ وي.
د هغه کسانو لپاره چې له داسې یوې ستونزې سره مخامخ دي، روغتیا پوهانو په روژه کې د سردردۍ مخنیوي لپاره ځینې لارښوونې ښودلي، چې ممکن د یادې ستونزې په مخنیوي کې مو مرسته وکړي.
دا لارښوونې په لاندې ډول دي:
له رواني او فزیکي فشار څخه بشپړ ډډه کول
غوره روغتیایي رژیم تعقیب کړئ
په لوړه کچه مایعات وکاروئ
بشپړ خوب وکړئ
منظم تمرین وکړئ.
د یادو لارښوونو سربېره ځینې خواړه هم شتون لري چې د سردردۍ له منځه تلو کې مرسته کوي، په دې کې مستې، کېله، وچه مېوه، تور چاکلیټ/کاکو، هندوانه، کافي او پاڼه لرونکي سبزیجات شامل دي.