د ایټکۍ لامل څه دی او حللاره یې څه ده؟

ایټکۍ هغه اصطلاح ده چې په ۲۰۲۱ کال په ګوګل له کورونا وروسته ډېره پلټل شوې. ایټکۍ څه شی دی؟ د بدن دننه د سږو لاندې او معدې ته نږدې ډیفرام وي، چې ساه اخیستل کنترولوي او کله چې ساه اخیستل کېږي، نو دا تنګېږي او پراخېږي.
ایټکۍ په دې عضلې ناڅاپي فشار یا بوج دی، دا دماغو ته پیغام رسوي چې د ستوني فلیپ وي چې بیا بیا ځلې بندېږي او د ایټکۍ غږ ترې راوځي او کله چې دا فلیپ خلاصېږي نو فشار یې پورته ځي.
د ورځني ژوند ډېر شیان د ایټکۍ لامل کېږي، چې په هغې کې مساله لرونکي خواړه، الکول، کاربونایټډ مشروبات، ژر ژر خوراک کول، غټه مړۍ خوړل یا تېزابي غبرګون. د مثال په توګه کله چې مساله دار خواړه وخورو، نو معده سوخت پیدا کوي او دا چې معده ډیفرام سره نږدې وي، نو عضلې بې حرکته کوي او دماغو ته د ایټکۍ پیغام لېږدوي.
ایټکۍ وړو، زړو، ځوانانو او حتی سپیو ته هم راتللی شي او دا هم ویل کېږي چې ټول تي لرونکي حیوانات په ایټکۍ اخته کېدلی شي، خو دا چې د کوم عمر خلک په دې ستونزه اخته کېږي، تر اوسه نه ده معلومه.
کله چې موږ اوبه وڅښو نو دا ستونزه حل مومي، ځکه چې ساه اخیستل یا اوبه څښل د ډیفرام تنګېدو لامل کېږي او حیرانوونکې یې دا ده چې دا دماغو هغه برخه اغېزمنوي چې ایټکۍ سره تړاو لري، خو دا ستونزه له دوه ورځو زیاته شي نو ډاکټر ته مراجعه وکړئ.