د هګۍ ژیړ که سپين، کوم یې ډیر ګټور دي

ریاض احمد

421

هګۍ د پروټین او د غذایي رژيم لرونکو خوارکونو په ډله کې شاملیږي چې په هر عمر کې د سبا ناري لپاره غوره انتخاب شوي خواړه دي.
پوهان وایي چې د هګۍ خوټول یا په اوبو ایشول ددې تر ټولو سم استعمال دی، که چیرې په غوړو کې پخې شي نو د هګۍ په ژیړ کې ځانګړې اندازه غوړ او نور عادي غوړي ګډول په دې کې د کالوریز کچه زیاتوي، خو په خوټول شوې هګۍ کې ۷۷ کالوریز یا ۳.۵ ګرامه غوړ موندل کیږي چې مناسب دي.
که چیرې هګۍ په غوړو کې پخه شي په دې کې ۹۰ کالوریز او ۷ ګرامه غوړ موندل کیږي خو په خوټولو سره په دې کې زیات بدلون نه راځي او په خپل ګټور حالت کې پاتې کیږي.
د هګۍ ژيړ
د یوې هګۍ په ژیړو کې ویټامن ای، ډي، اي، کی، بي ۶، بي ۱۲، فولک او داسې نور اسیدونه موندل کیږي، د هګۍ ژیړ خوړلو سره بدن د ویټامن ډي څخه برخمن کیږي چې بیا وګړو ته په لمر کې د کښېناستو اړتیا نه لیدل کیږي.
د هګۍ په ژیړ کې کلسیم، وسپنه، میګنیشم، فاسفورس، کوپر، زنک او داسې نور مواد هم موندل کیږي چې د بدن لپاره اړین ګڼل کیږي.
د هګۍ سپين
د هګۍ په سپينه برخه کې د کولیسترولو کچه نه موندل کیږي، بلکه ۴ ګرامه پروټین، سودیم ۵۵ ملي ګرامه، ۱۷ کالوریز، ۳.۱ ګرامه فولک اسیدونه، ۳.۲ ملي ګرامه کلسیم، فاسفورس ۹.۴ ملي ګرامه، پوټاشیم ۸.۵۳ ملي ګرامه او ۶.۳ ملي ګرامه میګنیشم موندل کیږي.
د هګۍ ژیړ وخوړل شي که سپین؟
د څیړنو له مخې د هګۍ ژیړ یې د سپين څخه زیات ګټور دي، د میکسیکو د الینوای پوهنتون په یوه څیړنه کې ثابته شوې چې د هګۍ ژیړو څخه پرته یې یوازې سپین خوړل د خیټې یو ډول ناروغۍ «ممپس» ګواښ زیاتوي.
پوهان زیاتوي چې د هګۍ په ژیړو کې د غوړو شتون او په سپینو کې د غوړو نشتوالي له کبله بشپړ هګۍ یوه طبیعي او ګټور خواړه دي، باید د استعمال پرمهال دواړه وخوړل شي.
د الینوای پوهنتون غذایي رژيم کارپوهانو په وینا چې هګۍ یو بشپړ او طاقت لرونکې غذا ده، په هر عمر کې ددې ورځنی استعمال د بدن لپاره ګټور دی، له همدې امله د هګۍ څخه ژیړ یا سپين لرې کول پرځای باید ددې بشپړ استعمال وشي او په دې کې د ټولو طبیعي او غذایي توکو او پياوړو اجزاو څخه ګټه پورته کړل شي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.