د نړۍ بهترين او بد ترين پاسپورټ لرونکي هېوادونه

هينلي پارټنر په تازه خپور کړي را پور کې چې د ۲۰۲۳ کال د جولايي څخه تر سپتمبر پورې د اعتبار وړ دی، ليکلي:
•. سنګاپور په نړۍ کې د لومړي نمبر پاسپورټ درلودونکی هېواد شو چې درلودونکي يې له ويزې پرته ۱۹۳ هېوادونو ته سفر کولای شي.
•. جرمني، ايټاليا او هسپانيا په ګډه دويم مقام پاسپورټ درلودونکي هېوادونو دي چې درلودونکي يې ۱۹۰ هېوادونو ته له ويزې پرته سفرونه کولای شي.
•. جاپان، جنوبي کوریا، سویډن، لگسمبرگ، فرانسه، فن لینڈ او اسټراليا هېوادونه په ګډه درېيم مقام کې ځاي لري چې درلودونکي يې ۱۸۹ هېوادونو ته له ويزې پرته سفر کولای شي.
•. ډنمارک، آيرلینڈ، برتانیہ او نیدر لینډ په ګډه د څلورم مقام درلودونکي هېوادونو په توګه اعلان شول چې پاسپورټ لرونکي يې ۱۸۸ هېوادونو ته له ويزې پرته سفر کولای شي.
•. بلجيم، پرتگال، ناروې، سويزرلينډ، چک جمهوریت، مالټا او نیوزی لینډ په ګډه پنځه مقام کې ځاي لري چې پاسپورټ لرونکي يې ۱۸۷ هېوادونو ته له ويزې پرته سفر کولای شي.
•. د دې را پور له مخې د پاکستان هېواد د پاسپورټ ارزښت په ۱۰۰م مقام کې ځای لري، دغه راز سوريه ۱۰۱م، عراق ۱۰۲ او افغانستان ۱۰۳م مقام کې ځای لري.