دوکتور روستار تره کی د دعوت سره په مرکه کی
۱ ــ هغه نظامی عملیات چه په مارجه کی جریان لری څنګه ارزوی ؟
ځواب : موضوع د حقوق او سیاست په ساحه کی مطرح کیږی :
ــ د موضوع حقوقی بنه . په مارجه کی جنګ د هغه پراخه جګړه یوه برخه ده چه د بنست نه غیر عادلانه وو او د نړیوال قوانینو د اصولو سره سمونوالی نه درلود : نړیوال حقوق جګړه د مشروع دفاع په منطق باندی مجاز ګنی . نړیوال حقوق د مشروع دفاع حق د استفادی شرایط د م ، م دمنشور په ۵۱ ماده کی څرګند کړی دی . نوموړی شرایط د افغانستان په جګړه کی د پام نه غورځول شوی دی .
ــ د موضوع سیاسی بنه : جګړه د یو مقصد د رسیدو د پاره یوه وسیله ده . نوموړی مقصد جګړی ته غیر مشروع یا مشروع بنه وکوی .
په مارجه کی نظامی عملیات د یو مزدور ، فاسد او مختلس حکومت د ملاتړ په مقصد تر سره کیږی . بنآ مشروعیت نلری .
په سیاسی لحاظ په یو حالت کی د مارجی جګړه د توجیه وړ ګنل کیده : د مقاومت مخالفت د سولی د هغه پلان په وړاندی چه موخه یی یو لند مهال مسلکی حکومت جوړول وو .
په هر حال ! د جګړی سیاسی توجیه د هغه حقوقی عدم مشروعیت تآئیدولی نشی .
۲ ــ دعوت : په مارجه کی د نظامی عملیاتو په ترڅ کی د جګړی د حقوقو نه سرغړونه ندی شوی ؟
ځواب : دغه عملیات په افغانستان کی د قومی تصفیی ( ژنوساید ) د لړی یوه برخه ده چه په هغه کی د معمولی وسلی نه نیولی تر نسل وژنی کمیاوی توکو نه ګته پورته کیږی.
سپین فوسفور چه مخکی د افغانستان په جنګ ځپلو سهیلی سیمو کی په وار وار استعمال شوی دی ، د فارس خبری آژانس او د ترکیی د « واقعیت » ورځپانی په قول د مارجی په جګړه کی هم تری نه کار اخیستل شویدی
په جګړه کی د سپین فوسفور استعمال د ۱۹۷۲ م کال کانوانسیون له خواه منع شویدی . خو امریکا د نوموړی کانوانسیون غړی نده .
۲ ــ دعوت : لطفآ د نژادی تصفیی په اړوند یو څه په تفصیل وږغیږی ؟
ځواب : پروسږ کال پدغه موضوع باندی یوه اوږده تحقیقی مضمون ( په افغانستان کی د ناتو دله ایزه وږنه او د نړیوالو حقوقو دریځ ) تر سرخط لاندی می لیکلی . ځینی افغانی انترنتی سایتونو ته په مراجعه مضمون مطالعه کولی شی .
د ۸ کلونو راهیسی په سیمه کی پښتانه په فزیکی ، فرهنګی او سیاسی لحاظ د نړیوال نظامی ائتلاف ( ن ، ن ، ا ) او د سیمی د هیوادونو په واسطه د یرغلیزی جګړی تر ګوذارونو لاندی دی:
فزیکی : پدی معنی چه په پښتانه میښته سیمو کی د ۸ کلونو د اوږد مهالی جګړی په ترڅ کی اتکل ۸۰ زره افغانان وژل شویدی . په دغه ارادی وږنه چه پلان شوی سیستماتیک بنه لری د افغانستان ګاوندیان هم ونده اخیستی ده .
فرهنگی : پدی مفهوم چه په جنګ ځپلی سهیلی سیمو کی ، د تعلیمی موسساتو د نښتوالی یا کموالی له کبله د پوهنتونونو د کانکور په کلنی آزموینه کی د نوماندو ونده په سلو کی اتکل ۵ ته تیته شویده . دغه ناوړه پیښه په قومی او سیاسی لحاظ د یو نا اندول اداری د رامنځته کیدو لامل ګرخیدلی دی . دغه نا اندولی هر کال شدت مومی او د یوه ژبی او فرهنگ د لازیاتی تباهی لامل ګرځی .
سیاسی : کوم چه پښتانه د يو با ثبات او پیاوړی واکمنی ولسی بنست جوړوی ، د دوی د فزیکی پوتانسیل په ماتولو سره لاره د یوه کمزوری لاسپوڅی نظام د جوړیدو د پاره هواریږی . دغسی یو نظام ساتل چه په قومی ، مذهبی او تنظیمی متخاصمو دلو تپلو نه چه سره په تکر کی وی جوړ شوی وی ، د مارجی د جنګی عملیاتو سره تړاو لری .
( ن ، ن ، ا ) د افغانستان قومی بالقوه منازعاتو ته لمن وهلی ، هغه په بالفعل دشمنی بدل کړی او د یو اړخ په ګته او د بل په تاوان دریز نیولی دی .
څو موده مخکی د فرانسی د حکومت په اشاره سوسیالیست ګوند د ولسمشری د انتخاباتو يو جنګ سالار کاندید ته ( د عبداله عبداله په نوم ) ، فرانسی ته راتګ او په یوه غونده کی د ګدون بلنه ورکړی وه . نوموړی کاندید د ولسمشری په انتخاباتی کامپاین کی د پارلمانتریزم او فدرالیزم د ضوابطو ( چه بهرنیان غواړی د هغه په واسطه افغانستان د متخاصمو قومی جنګ سالارانو په فدراسیون بدل کړی ) په طرح کولو کی ، بهرنی پیاوړی ملاتړ تر لاسه کړی وو . فرانسی ته راغلی میلمه مدیا ته په خبرو کی خپل مخکنی ژمنه تازه کړه، او د یوه سیاسی الترنتیف د جوړولو د پاره چمتو والی وښود .
هو ! فرانسه د خپل اندیوالانو سره پدی چرت کی دی چه وروسته له دی نه چه د پښتون قاوم جنازه په مارجه کی خاوروته سپارل کیږی ، څه باید وشی : هغه قومی دلو ته سیاسی چانس ور په برخه کول چه د کلو کلو راهیسی ورباندی سیاسی پانګه اچولی شویدی د ( ن ، ن ، ا ) د پلان یوه برخه ده .
فرانسه غواړی په مارجه کی مقاومت ته لاندی پیغام واستوی : که تاسی خپلواکی په ګرانه بیه خرڅوی موږ د پنجشیر د هتی والو سره په معامله هغه په وړیا توګه تر لاسه کولی شو .
د پلان په جزئیاتو کی زیاتی خبری نه کوو . خو دومره وایو چه وروسته د دی نه چه مارجه فتح شو ، اداره یی د تښ په نامه ملی اردو او پولیس ته سپارل کیږی . کوم چه په اصطلاح د ملی اردو جوړښت د نژادی تصفیی د ماستر پلان یو جزء دی ، هغه په سلو کی ۷۰ د غیر پښتنو نه ترکیب شوی ، حال دا چه پښتانه د افغانی تولنی په ترکیب کی اتکل په سلو کی ۶۰ نفوس جوړوی .
اما هغه څه چه نه ویل کیږی دا دی چه : کوم چه په مارجه کی اردو د نظم او امنیت په پلی کولو کی پاتی راځی ، کړکیچ دوام مومی او په افغانستان کی د بهرنیو قواوو د حضور د دوام د پاره پلمه تر لاسه کیږی .
۳ ــ دعوت : ولی مارجه د نړیوال نظامی ائتلاف په وسیله د یوی پراخی جګړی د میدان په توګه وتاکل شو ؟
ځواب : د مارجی فتح دواړو خواوو یعنی افغانانو او بهرنیانو ته سمبولیک اهمیت لری:
کندهار د افغانستان په معاصر تاریح کی د تول واحد افغانستان لمړنی پلازمینه ګنل کیږی . د افغانستان د ننه د قومی اکثریت زیاتی واکمنی او د باندی د افغانانو امپراتوریګانی د کندهار په غرونو ، مورچلونو او د جګړی په دګرونو کی جوړښت موندلی دی .
د اشغالګرو قوتونو په تصور د مارجی فتح د قومی اکثریت د دوه پیړی د واکمنی پای او په سیمه کی د یوه حماسی تاریخ ( او احتمالآ افغانستان پوری تړلی جغرافیی ) ختم شمیرل کیږی .
واقعیت دا دی چه که په مارجه کی د مقاومت برلاسی پای ته ورسیږی د وسله والو مخالفینو په روانی حالت کی به ناوړه اغیز ولری . اما په هیڅ دول د مقاومت پای به نه وی .
لویدیز مدیا چه ادعا کوی مارجه د بهرنیو جنګیالیو او د نشه یی توکو د مرکزیت له کبله تر برید لاندی ونیول شو ، خوشی چتی تبلیغاتی خبری دی .
۴ ــ دعوت : د ملا برادر نیول د مارچی د عملیاتو سره تړاو به ولری ؟
ځواب : هرو مرو ! ( ن ، ن ، ا ) غواړی چه د نظامی فشار د لاری مقاومت دیته اړ کړی ، هغی سولی ته غاړه کیږدی چه د بهرنیانو له خوآ وړاندی کیږی . کوم چه د بهرنیانو د سولی وړاندیز ( د اساسی قانون او د هغه نه رازیږیدل شوی نظام منل ) د وسله والو مخالفینو د پاره د منلو وړ ندی ، نو د جګړی د دوام پلمه مهاجمو ځواکونو ته ور په برخه کیږی .
وروسته د ۸ کلونو نه موږ ته ثابته شویده چه ( ن ، ن ، ا ) د سولی اراده او پلان نلری : نوموړی ائتلاف د بوش د اداری د « جوړونکی ورانی » د فورمول په تبعیت ، غواړی په « افپاک » کی ګدودی وساتی . او د بی ثباتی او بی نظمی په فضآ کی خپل ژیوپولتیک مقاصدو ته ځان ورسوی.
د یو بل واقعیت نه هم باید سترګی پتی نکړو : د جګړی د دوام پړه یوه لویه برخه د مقاومت په غاړه ده : وسله وال مخالفین پدی باندی ندی بریالی شوی چه د یوه اعتدالی اسلام د ضوابطو په ملاتړ او د اوسنی معاصر نړی د غوښتنی په بنیاد دریز ونیسی او د تفاهم لاره د بل لوری سره خلاص کړی .
مقاومت پدی ونتوانید چه د یوه مذهبی بنست پالی دلی په عوض د ملی او اسلامی مقاومت یو مدرن ګوند جوړ کړی . د تعلیم یافته او رونفکرو سره د وسله وال مقاومت اړیکی د بنست پالو کړیو تر تآثیر لاندی پاتی شویدی . « پای »
فرانسه
د فروری ۲۱ د ۲۰۱۰م کال
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
