Notice: Trying to access array offset on value of type bool in /home/dawatmedia/public_html/wp-content/themes/publisher/includes/libs/bs-theme-core/theme-helpers/template-content.php on line 1164

Notice: Trying to access array offset on value of type bool in /home/dawatmedia/public_html/wp-content/themes/publisher/includes/libs/bs-theme-core/theme-helpers/template-content.php on line 1165

Notice: Trying to access array offset on value of type bool in /home/dawatmedia/public_html/wp-content/themes/publisher/includes/libs/bs-theme-core/theme-helpers/template-content.php on line 1166

Notice: Trying to access array offset on value of type bool in /home/dawatmedia/public_html/wp-content/themes/publisher/includes/libs/bs-theme-core/theme-helpers/template-content.php on line 1177

Notice: Trying to access array offset on value of type bool in /home/dawatmedia/public_html/wp-content/themes/publisher/includes/libs/bs-theme-core/theme-helpers/template-content.php on line 1164

Notice: Trying to access array offset on value of type bool in /home/dawatmedia/public_html/wp-content/themes/publisher/includes/libs/bs-theme-core/theme-helpers/template-content.php on line 1165

Notice: Trying to access array offset on value of type bool in /home/dawatmedia/public_html/wp-content/themes/publisher/includes/libs/bs-theme-core/theme-helpers/template-content.php on line 1166

Notice: Trying to access array offset on value of type bool in /home/dawatmedia/public_html/wp-content/themes/publisher/includes/libs/bs-theme-core/theme-helpers/template-content.php on line 1177

طالبان له يو کفر سره جنګيږي خو له بل کفر نه خيرات غواړي – طالبان ځان غولوي؛ ولس نور نشي تېر ايستلی

0 671

 

لیکنه : خوشحال آصفي

په داسې حال کې چې د امريکا ولسمشر ډونالډ ټرمپ اداره د افغانستان په اړوند د پاليسۍ د اعلان په درشل کې ده؛ وسله والو طالبانو ټرمپ ته په يو پرانيستي ليک کې ويلي؛ که امريکا نور سرتېري راولېږي، نو دوی به يې له سيالانو مرسته وغواړي. طالبانو زياته کړې افغانستان ته د نورو سرتېرو په لېږلو سره امریکا ته له نورې پوځي او اقتصادي تباهۍ پرته بل هيڅ توجيه نه لري. په ليک کې راغلي طالبانو په افغانستان کې د ډير فتنو او ګډوډيو مخه نيولې ده او هيچا ته اجازه نه ورکوي چې د افغانستان خاوره د نورو پر ضد وکارول شي. د طالبانو په دې ليک کې همداراز ويل شوي چې په افغانستان کې د جګړې اصلي عامل د بهرنيو ځواکونو شتون دی.

که څه هم وسله والو طالبانو په دغه ليک کې په ښکاره نه دي ويلي چې د امريکا په سيالانو کې به له چا مرسته وغواړي؛ خو د مسکو او دوی له پخوانۍ يارانې داسې معلوميږي چې د روسانو په غېږ کې به ځانونه غورځوي او د مرستې خيرات به ترې غواړي. ځکه د امريکا په سيالانو کې تر ټولو ستر سيال روسيه او شمالي کوريا دي. له کيم جونګ اون سره خو يې ملاقات نه دی شوی نو ښکاره ده چې مسکو ته به ذاري کوي.

طالبانو په دغه ګواښ سره د افغان حکومت، شنونکو او نړيوالو هغه ادعا ته کره والی ورکړ چې ويل کېدل د طالبانو جګړه استخباراتي ده او مشروعيت نه لري. ځکه دوی دلته د يو کفر پر ضد جنګيږي خو له بل کفر نه خيرات غواړي. د طالبانو مفکوره داسې ده چې افغان حکومت له امريکا سره د ستراتېژيکۍ همکارۍ له امله د امریکا غلام او لاسپوڅی ګڼي، خو پخپله چې له نصاراوو د خپل نامشروع جنګ لپاره خيرات غواړي او ورسره په مسکو کې ګډ محفلونه نيسي؛ ځانونه ورته اصلي د جنت ټېکه داران او سپينې کوترې ښکاري.

که څه هم د طالب اصليت له وړاندې خلکو ته معلوم و خو وروستيو کې چې د دغې ډلې او مسکو له يارانې پرده پورته شوه نو ولس په دې پوره ډاډه شو چې طالب خپل اصليت له لاسه ورکړی او اوس يې په افغانستان کې روانه جګړه د پرديو لپاره ده. خو د طالبانو وروستي ګواښ پوره ثابته کړه چې دوی څوک دي، د څه لپاره جنګيږي او د چا لپاره جنګيږي؟

طالبانو همېشه عجيب او غريبې څرګندونې کړي دي، خو دا ځل خبرې يې ډيرې د مکس وړ دي. ځکه دوی (طالبان) له يو لوري په افغانستان کې خپله جګړه مقدسه بولي او له بل لوري بيا له کفر سره د يارانې مزي غځوي. همداراز د دغې ډلې بله جالبه خبره دا ده چې ويلي دي طالبانو په افغانستان کې د ډير فتنو او ګډوډيو مخه نيولې ده او هيچا ته اجازه نه ورکوي چې د افغانستان خاوره د نورو پر ضد وکارول شي. ځکه د افغانانو د بربادۍ سبب خو همدغه ډله ده، فتنې خو اصلي له همدوی راولاړيږي، څه ولس مو طالب انحصار کړی او په بيلابيلونو نومونو يې وينې زبېښي، او څه ولس مو بيا د همدوی ( طالبانو ) د لاسه بهرنيانو انحصار کړی دی.

د طالبانو د لاسه بهرنيانو ځکه انحصار کړی دی چې طالب د عام ولس کور، ديره، مکتب او کلينيک خپل پوځي مرکز ګرځولی او بهرنيان به د وچو له کبله لمدو ته هم اور ورته کوي. په ځای کې چې طالب سر راښکاره کړي بيا پرې بهرنيانو هوايې يا ځمکنی بريد کړی وي چې په کې عام ولس ته زيان ورسيږي. دلته بيا هم د ولس د بربادۍ سبب همدوی شول. ځکه که دوی له بهرنيانو سره ستونزه لري او ولس ته ځان وفادار بولي نو ولې بيا په يوه صحرا کې له د دوی په اصطلاح له دښمن سره نه ښکر په ښکر کيږي؟ همدا شوه چې د طالبانو ادعا غلطه ده چې ويلي دي دوی په افغانستان کې د فتنو او ګډوډيو مخه نيولې ده. اصلي ګډوډي او فتنې همدوی راولاړې کړي دي.

مهمه خبره دا ده چې وسله وال طالبان په دا ډول څرګندونو او ګواښونو فقط او فقط خپل ځان غولوي او ولس نور د دوی په لاپو شاپو نه غوليږي. ولس ته نور د طالبانو اصليت او ماهيت لکه د لمر په شان روښانه شوی او اوس که د ملايکو لباس هم پر تن کړي؛ دوکه کيږي پرې نه.

مونږ باوري يو چې د طالبانو وروستی ليک چې د ټرمپ لپاره يې ليکلی دی؛ د پاکستاني استخباراتو په لارښوونه ليکل شوی وي. ځکه پاکستان په وروستيو کې د امريکا له سخت فشار لاندې دی او اوس چې د پاکستان او افغانستان لپاره ټرمپ په خپله پاليسۍ جوړولو بوخت دی نو پاکستان هڅه کوي چې پر دوی د امریکا فشار راکم کړي. يعنې دا لیک هم پر پاکستان دامريکا د فشار د کمولو لپاره طالبانو د آی ايس آی  په لارښوونه ليکلی دی.

 

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply