بسم الله الرحمن الرحيم
الحمد لله وحده والصلاة والسلام علی من لانبی بعده امابعد :
کله چي د بخيل نوم ياد شي، د خلگو فکر د هغه چا په لور ځي، څوک چي په خپل مال سره بخل کوي .
داپه داسي حال کي چي داسي هم شونې ده چي يو څوک دي تر هر چا زيات مال مصرفوي، خيراتونه دي کوي او د خلگو سره دي مالي مرستي تر هر چا ډېري کوي، خو د دې سره دي هم نه يوازي دا چي بخيل وي، بلکي پوره او تر نورو زيات بخيل دي وي .
په دې اړه يوه حديث ته که پام وکړو، دا خبره به ښه را ته جوته شي :
عَنْ عَلِىِّ بْنِ أَبِى طَالِبٍ قَالَ قَالَ رَسُولُ اللَّهِ -صلى الله عليه وسلم- الْبَخِيلُ الَّذِى مَنْ ذُكِرْتُ عِنْدَهُ فَلَمْ يُصَلِّ عَلَيَّ ( رواه الترمذی ص : ۱۹۴ ج : ۲ و قال هذا حديث حسن صحيح غريب و احمد ص : ۲۵۸ ج : ۳ )
له حضرت علی – رضي الله عنه – څخه روايت دی چي رسول الله – صلی الله عليه وسلم – وفرمايل : پوره بخيل هغه څوک دی د چا په وړاندي چي زه ياد شوم، درود يې راباندي و نه ويلو !!
د حديث مطلب دا دی چي تر ټولو خلگو په بخل کي سخت، پوره او اصلي بخيل همدغه کس دی چي د نبي عليه السلام د مبارک نوم د ده په وړاندي له يادېدلو و روسته پرې درود نه وايي .
نو موږ بايد خپلو ځانو ته پام وکړو،چي په دغه ستره بخيلۍ کي خو به اخته نه يو او بايد د نبي عليه السلام د مبارک نوم په اورېدو پرې درود ووايو .
دا په داسي حال کي چي پر نبي عليه السلام باندي د يو ځل درود ويلو اجر دا دی چي الله پاک پر هغه کس لس رحمتونه کوي .
نو که د درود شريف په ويلو کي سُستي وکړو، هم به له دغي ستري گټي بې برخي شو او هم به په بخيلانو کي وشمېرل شو .
د نبي عليه السلام سره د ميني او محبت تقاضاء هم دا ده چي بايد پرې تل درود وويل شي او ستاينه يې د ده په ښو صفاتو او مبارکو عاداتو سره وشي او د ده د مبارکو طريقو د عملي کولو هڅي وشي .
و صلی الله علی نبينامحمد و علی آله و اصحابه اجمعين
ليکوال : مولوي عصمت الله عزام
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320