پښتون قامي جرګه: پرلت ولې ختم شو ؟ ګټې یې څه وې؟/میا فاروق فراق
زما ځینې برني روڼه جذباتیان کیږي چې دا پرلت څنګه ختم شو، دې باید دوام کړی وی، زه دغو روڼو ته یوه خبره صفا کول غواړم چې دا پرلت د پاکستان دننه د میشته پښتنو سره د حکومت اؤ امنیتي ځواکونو د بد وضعیت په تناظر کې یوازې اؤ یوازې حالاتو زیږولی پرلت ؤ چې مشري یې هیڅ یو سیاسي ګوند نه بلکې یو پښتون زلمي منظور پشتین کوله، هغه ځان سره د ډیره اسماعیل خان نه د څو ملګرو قافله د پیښور په لاره پیاده اسلام اباد ته روانه کړه اؤ بیا یې په زرګونو پښتنو ملاتړ وکړو اؤ اسلام اباد ته ورغونډ شول، د دې ترڅنګ په سوشل میډیا هم دغه پرلت کې هر پښتون ښه په نره خپله برخه واخسته،
دغه پرلت د لمړۍ ورځې نه د پاکستان ریاست ته دا پینځه غوښتنې ایښې وې !
…………………………………………………
١ـ د نقيب الله مسید قاتل دې ونیول شي او محاکمه دې کړی شي
٢ـ د عدالتونو د فیصلو بغیر دې ادارې قتلونه کول بند کړي
٣ ـ بې درکه کړی شوي کسان دې عدالتونو ته وړاندې کړی شي
۴ ـ په فاټا کې دې د بدو پېښو د کیدلو څخه وروستو کرفیو (ګرځ بندیز) نه لګول کیږي
٥ ـ په فاټا کې دې ځمکني ماینونه (ښخ کړي بمونه) صفا کړی شي
دغه پینځه واړه غوښتنې منل شوي اؤ د پرلت منتظیمینو ته په لیکلې بڼه ضمانت ورکړل شوی چې تر یوې میاشتې به ټولو غوښتنو ته عملي بڼه ورکړل شي…
…………….
د پرلت سمدستي ګټې څه وې؟
دا چې د دغه پرلت د پیل کیدو راپدیخوا د سلو نه زیات هغه بې درکه کسان تر بیګاه شپې خپلو کورونو ته ورسیدل چې بې درکه کړل شوي وؤ…دا چې د اسلام اباد د اقتدار ماڼو ته په لمړي ځل احساس ورکړل شو چې په دې خاوره کې پښتنو ته لاس اچول د ګواښ نه خالي نه دي …دا چې په لمړي ځل پلازمینه اسلام اباد کې د زلمو د ازادۍ نعرې ووهلې …دا چې لر اؤ بر پښتنو یو بل سره د مینو په ښودلو پښتون دښمنه قوتونو ته احساس ورکړو کرښې په زمکه شته خو زړونه د کرښو نه پاک دي…. اؤ دا چې پښتنو ته یې د راتلونکونکي د پاره یوه ډیره ښه بیلګه په لاس ورکړه چې که تاسو یو شئ نو د ډیورنډ د کرښې دواړو غاړو ته مو څوک د حیثیت نه انکار نه شي کولی …
پاتې ستاسو په پټ احساس پوهه یم
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
