دوه وروڼه / ابوخالد

دوه وروڼه!
د اففانستان په سروبي ولسوالي کې دوه وروڼه ”
کیسه به څه وکړم که نه یې کوم وجدان سره په جنګ یم که کوم یې جهان سره په جنګ یم، اخر څه وکړم؟؟؟؟
بس د وجدان به ومنم
د یوسف ماما او د ګولالي ترور دوه زامن دي همدا یې هرڅه دي، همدا یې مینه ده همدا یې خوب همدا یې سحر همدا یې ماښام.

نسیم زوی یې طالب دی شیخ هيبت الله صیب یې نه دی لیدلی خو دده په زړه کې د شیخ دومره مینه ده چې ددی مینی له کبله دی حد ته راغلی چې خپل ورور هم وژني تاسو به وایې چې دا ولی؟؟؟

دا ځکه چې کریم خان خلقي دی، هر وخت شیخ صیب ته بد وایې او کریم خان د ډاکټر صیب نجیب عکس لیدلی نور یې نه پیژني بس قواره یې لیدلی خو همدا کریم خان هم د طالب ورور مرګ ته هر وخت چمتو ناست وي .

بیچاره ګان مور او پلار یې شپه او ورځ ددوی جنګ ته په لړزان دي چې کریم غصه شي مور او پلار هغه ته پخو کې چپه شي او کله چې نسیم په قهر شي هغه ته پخو کې چپه شي.

او د جومات په جمه کې دواړه حاضر وي

د یو مور زامن واړه واړه د اکو بکو ملګري نن د یو بل دښمنان دي .

که همدی نسیم نه د شیخ صیب پوښتنې وکړی چې څوک دی؟؟؟ څنګه دی؟؟؟ نو بس ګونګی شي
او که همدې کریم نه پوښتنه وکړی چې ډاکټر صیب څوک ؤ نو دا به هم ورته معلومه نه وي چې ډاکټر صیب د کوم ولایت ؤ.
نوره کیسه درته نه کوم ځکه دا کیسه ستاسو په وطنونو کې تکرارېږي زه به خپل ملت وژاړم چې وه ملته اخر دومره بد بختي دا ولی؟؟؟

زه دلته هېڅکله شیخ صیب ته یا ډاکټر صیب ته بد نه وایم، بد د خپلو اندونو ته وایم، وه ده خداي بنده ګانو ته خو اول د ورور ورور شه د مور زوي شه د پلار بچی شه تا باندې د مور او پلار حق د شیخ صیب او د ډاکټر صیب نه زیات دی ته په هغوي غیرت کولو نه اول په مور غیرت وکړه.