رایې به چاته ورکوو !؟/ ډاکټر ګل مرجان منګل

که رښتیا غواړئ چې په هیواد کې جګړه ختمه شي سوله راشي.
که په رښتیا غواړئ چې قانون پلی شي.
که په رښتیا غواړئ چې په هیواد کې  فساد ختم شي او کار اهل کار ته وسپارل شي.
که په رښتیا غواړئ چې حکومت په سمه توګه خپله دنده تر سره کړی.
که په رښتیا غواړی چې سمه با اهله کابینه یا وزیران ولرئ.
که په رښتیا غواړی چې کالنۍ ملی بودیجه مو په متوازې او عدلنه توګه مصرف شی.
که.
که په رښتیا غواړئ چې د حکومت ټولې چاری سمې نظارت شی.
نو، نو، نو  ……… نو
په راتلونکی د ولسي جرګې او ولسوالیو  شوراګانو  په ټاکنو کې پاکو، اهل کار، امانتکار، پرهیزګاره د هیواد او ولس ملي ګټو ته ژمنو کسانو ته رایې ورکړی، کور، کلی، ولسوالۍ او ولایت کې سم خلک پیدا کړئ، پدې پسې مه ګرځئ چې د کوم قوم او په کومه ژبه خبرې کوي.
ځکه غل، خاین  او په فساد کې ډوب کسان قوم ژبه او سمت نه پیژنی هغه يوازې او یوازې خپلې ګټې پیژني.
په  هر صورت خپله رايه وکاروئ خو په هیڅ وجه خپله رایه بې ځایه ونه کاروئ، خرڅه یې نه کړی او د چا په دروغو،  غورو او ډوزو پسې ونه ګرځئ ځکه هیڅوک هم د حد څخه زیات څه نه شی کولای.
زما د په خدای قسم وی چې زما ورور یا کوم بل خپلوان ولاړ وی هغه فاسد غل او نا اهله وی په مقابل کې يې بل کس چې زما د ژبې سمت او قوم هم نه وی خو چې مسلمان، اهل کار، امانتکار د هیواد او ولس ګټې ورته محترمې او لوړې وی زه به خپل ورور یا خپلوان ته رایه نه ورکوم بلکې د هغه مقابل لوری ته به یې ورکوم.
تاسو هم سر له نن څخه همداسې کار وکړئ سمو اشخاصو افرادو ته کمپاین وکړئ او خپلې رایې هم اهل کاره اشخاصو ته ورکړئ.
د یوه ښه پارلمان یا شورا په هیله!

3/7/2018