افغانستان د پاکستان د بدګاونډیتوب زجر ګالي

0 757

اېمل پیاوړی-

 

له کومې ورځې چې د افغانستان په څنګ کې پاکستان د یوې توطیې او دسیسې له مخې د قرارداد په پایله کې ایجاد شو، نو له همغې ورځې د افغانستان کم بختی شروع شو، ځکه نوي ایجاد شوي افغانستان د پاکستان په اړه ښه نیت نه درلود او وخت په وخت یې په افغانستان کې لاسوهنې کولې. جنګي او افراطي ډلې یې روزلې او دوی یې بریدونو ته لمسول. ان د شهید سردار محمد داوودخان په وخت کې دغه د بریدونو او چاودنو لړۍ د پاکستان په لمسون پیل شوه او ورپسې چې د ثور د اومې کودتاه وشوه، نو پاکستان ته میدان خالي شو، ځکه په میلیونونو کډوال پاکستان ته ورغللو افغانستان له شوروي اتحاد سره په جګړه کې کېوت او پاکستان له کډوالو او په هیواد کې له جنګي وضعیت څخه ناوړه ګټه واخیسته.

د شورویانو له وتلو وروسته چې په افغانستان کې کورنۍ جګړې پیل او په پایله کې یې هیواد ویجاړ شو، دا هم د پاکستاني جنرالانو او مقاماتو اجنډا او برنامه وه، بیا وروسته یې طالبان راپیدا کړل، هغوی یې واک ته ورسول، په افغانستان کې یې د خپلو موخو لپاره وکارول ، بیا چې د امتیاز او پیسو وخت راغی، نو طالبان یې په امریکا وپلورل، د دوی د امارت د نسکورولو لپاره یې د امریکا ملګرتیا وکړه او په بدل کې یې میلیاردونه ډالر ترلاسه کړل.

د طالبانو له ماتې وروسته پاکستان تیت او پرک طالبان سره منظم کړل او بیا یې د امریکا پر ضد جنګولو ته ولمسول. پاکستان دوه ګټې کولې له یوې خوا یې د امریکا د ملګرتیا په بدل کې ډالر ترلاسه کول او له بل لوري یې پر طالبانو د نفوذ لرلو له امله امریکایان دېته مجبورول چې د پاکستان هر ناز یوسي او له دوی څخه خپل امتیازات ترلاسه کړي.

مګر د پاکستان د دغې لوبې قرباني افغانان او افغانستان وو او لا هم دغه بدمرغه جګړه چې پاکستان پیل کړې پر افغانستان تحمیل شوې او د دوی په نیابت یې طالبان پرمخ بیایي. پاکستان د افغانسان د ابادۍ او سوکالۍ ډېر فرصتونه له افغانانو څخه ضایع کړي او لا هم درګرده د افغانانو په بدمرغۍ فکر کوي. دوی هیڅ وخت نه غواړي چې افغانستان دې پرمختللی وي او یا دې هم د قوي مرکزي نظام او دولت لرونکی وي، ځکه چې بیا د افغانستان اوبه او منابع د دوی له اختیاره وځي، مګر ولسمشر غني ورته په وضاحت او بار بار ویلي دي چې د افغانستان پر ضد پیل شوی جنګ ودروي او همدارنګه به د پاکستان په ګډون هیچاته هم د دې اجازه ورنه کړي چې د افغانستان اوبه وړیا استفاده کړي.

لنډه دا چې تر دې مهاله چې افغانستان کوم بحرانونه ګاللي او لا یې هم ګالي، په دې کې د پاکستان مستقیم لاس دی او د ولسمشر غني لومړۍ هڅه داده چې د پاکستان دغه بدمرغه لاس باید د افغانستان کې له لاسوهنې څخه لنډ کړي او د تل لپاره هیواد د دوی له شره خوندي کړي او په همدې خاطر یې دا ځل د دولت جوړونې شعار ټاکلی، ترڅو افغانستان د قوي مرکزي دولت لرونکی او خاوند کړي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply