د چین د روغتيا ملي کمېټې د ناروغيو کنټرول څانګې مسئول څوی ګانګ د ډسمبر په۱۹مه نېټه د کوویډـ۱۹ ويروس په اړه د حکومت په يوې مطبوعاتي غونډې کې وویل، چې اوس په چين کې د کورونا ضد واکسين د سرتاسري تطبيق چارې پيل شوې او په لومړي ګام کې د وارداتي، عامه ترافيکي او طبي چارو کارکوونکو په ګډون اړمنو کسانو ته ورکول کیږي او په دويم ګام کې به د واکسينونو توليدي اندازې له زياتېدو وروسته په ټول چين کې توزيع شي.
د کوويډـ۱۹ ضد واکسين د جوړولو په برخه کې د چين د حکومت د ځانګړي ټيم مسئول جنګ جونګ وی په يادې مطبوعاتي غونډې کې د واکسين د اغيزمنتوب په اړه وویل، له کله چې چين د روان کال په جون کې د کوویډـ۱۹ ضد درېيو واکسينونو بېړنۍ کارونې ته اجازه ورکړې، تر دې دمه له يو ميليون زیات واکسينونه خلکو ته ورکړل شوي او هیڅ سخت او د اندېښتې وړ عوارض يې نه دي ښودلي، چې دا د دغو واکسينونو د خونديتوب او اغېزمنتوب ښکارندويي کوي.
په چين کې کوویډـ۱۹ ويروس نسبتاً کنټرول شوی او د يادو واکسينونو د درېيم پړاو کلينيکې ازموینې يې په هغو هيوادونو پيل کړي، چې کورونا ناروغي پکې ډېره خوره شوې او په دې بهير کې هېڅ سخت جانبي عوارض نه دي رامنځته شوي.
په ياده غونډه کې روغتيايي کارپوهانو وويل، هغه کسان چې واکسينونه يې اخيستي، طبي سپارښتنې بايد جدي وګڼي او مراعت يې کړي، ځکه تر اوسه هيڅ يو واکسين سل سلنه اغېزمن او خوندي نه دی، نو بايد ټول احتیاط وکړي او روغتيايي سپارښتنې بايد جدي وبولي.
چين په داسې حال کې د کوويډـ۱۹ ضد واکسينونو د اغيزمنتوب او ډاډمنتوب خبر ورکوي، چې په دې وروستيو کې په بريتانيې او امریکې کې د یاد ويروس ضد فایزر ـ بايوانيټک واکسين پيل شوی دی. روسیې هم خپل جوړ سپوټنيک په نوم د کوويډـ۱۹ ضد واکسين پيل کړی، خو ویل کیږي، چې د روغتيا نړيوال سازمان اجازه یې نه ده ترلاسه کړې.
د چين چارواکو څو ځلې ژمنه کړې چې د کوویډـ۱۹ ويروس ضد واکسين به داسې عامه توليد وګرځوي، چې په ګردې نړۍ کې هر څوک ورته لاسرسی ولري او پرمختيايي یا مخ پر ودې هيوادونو ته به لومړیتوب ورکړي.
د روغتيا نړيوال سازمان د روانې مياشتې په ۱۸مه نېټه اعلان وکړ، چې د کوویډـ۱۹ ضد واکسينونو له اړوندو شرکتونو سره يې تړونونه او هوکړې لاسليک کړي، چې له مخې به یې دوه مېليارډه ډوزه واکسينونه ترلاسه کړي او ټولو هيوادونو ته به یې ورسوي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
