د پنجشنبې په ورځ د افغانستان د خپلواکۍ د ۱۰۲ کلیزې په مناسبت په یو شمیر ښارونو کې د دې هیواد د بیرغ په ملاتړ لاریونونه شوي دي. په کونړ کې د درو تنه د وژل کیدو او یو شمیر د ټپي کیدو رپوټونه ورکړل شوي دي.
د پنجشنبې ورځ د افغانستان د خپلواکۍ ۱۰۲م کلیزه ده. په دې تړاو د پلازمېنې کابل په شمول په یو شمیر ښارونو کې د ملي بیرغ په ملاتړ خلک سړکونو ته راوتلي وو.
د کونړ یوه مدني فعال (د امنیتي دلایلو له کبله یې نوم نه نشروو) له دویچه ویله سره په خبرو کې وویل چې دغه پيښه د نوآباد په سیمه کې رامنځ ته شوې ده. د هغه په خبره کله چې په سلونو کسانو د ملي بیرغ او جمهوریت په ملاتړ لاریون کاوه او د نواباد پله ته څیرمه یې پر یوه پایه د بیرغ نصبولو هڅه کوله نو ډزې پرې وشوې: «کله چې دوی هلته خیژي او د افغانستان او جمهوریت د زنده باد نعري وهي نو شور زیات شوی دی او پر هغوی د طالبانو د یوه کس له خوا ډزې شوي دي.»
د دغه فعال په خبره د اسد اباد د روغتیایي چارواکو سره یې خبرې کړي دي چې هغوی د دوو کسانو وژل کیدل او د ۷ کسانو ټپي کیدل تائیدوي. د دغه فعال په خبره پر پایه باندې د طالبانو کوم بیرغ نه وو چې د هغې بې حرمتي دې شوي وي.
د رویټرز خبري آژانس د یوه عیني شاهد له قوله لیکلي دي چې یو شمیر کسان «د ټیل ماټیل او طالبانو په فیرونو کې وژل شوي او ټپیان شوي دي.» طالبانو لا تراوسه په دې هکله څه نه دي ویلي.
د کونړ په مرکز اسد اباد کې د چهارشنبې ورځ په دغسې یوه پيښه کې د درو کسانو د ټپي کیدو رپوټ ورکړل شوی وو. د کونړ د مدني فعال په خبره د چهارشنبې په ورځ د دوهم ځل له پاره مازیګر یو شمیر ځوانانو په اسد اباد کې «د ملي بیرغ په ویاړ خوشحالۍ کولې چې یوه ډله طالبان پسې راغلي وو او هغوی یې په کنداغونو وهلي وو.»
د چهارشنبې په ورځ په جلال آباد کې هم د ملي بیرغ د پورته کولو د هڅې په ترڅ کې فیرونو شوی وو چې درې تنه پکې وژل شوي او نور څو تنه ټپیان شوي وو.
د رویترز د رپوټ له مخې په کابل کې په ټولنیزو رسنیو کې خپرو شوو ځینو ویډیو ګانو کې لیدل کیږي چې په پلازمینه کابل کې هم خلک له ملي بیرغ سره سړکونو ته راوتلي وو.
پژواک خبري آژانس په یوه رپوټ کې ویلي دي چې «نن د طالبانو د امنیتي ځواکونو له خوا د خوست ښار تړل شوی او پر هر ډول تګ راتګ بندیز دی.»
تیره ورځ په خوست بازار کې هم د افغانستان ملي بیرغ پورته شوی وو.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.