د مخابراتو او مالوماتي ټيکنالوژۍ تخنيکي معين او سرپرست وزير سيد احمد شاه سادات نن په کونړ ولايت کې د افغان ټيليکام له لوري د نوري فايبر پروژه ګټې اخيستلو ته وسپارله. نوري فايبر پروژه له جلال اباد څخه د ۹۶ کيلومتره واټن په درلودلو له کونړ سره وصل شوه. دغه پروژه د دري مليونه امريکايي ډالرو په لګښت د ۱۵مياشتو په موده کې تکميل شوه.
د پرانستې په غونډه کې د کونړ والي الحاج وحيدالله کليمزي، په ولسي جرګه کې د کونړ د خلکو استازي مولوي شهزاده شاهد، د افغان ټيلي کام عمومي رئيس انجينر شريف خان، قومي مشرانو، مدني فعالانو او ځوانانو برخه اخيستې وه.
مولوي شهزاده شاهد د دغې پروژې په برياليتوب سره په تکميلولو د مخابراتو او مالوماتي ټيکنالوژۍ وزارت له سرپرست وزير مننه وکړه او همدا راز يې خلک د ټولګټو پروژو په عملي کولو کې همکارۍ ته را وبلل. د کونړ والي الحاج کليمزي د مخابراتو وزارت د ښو خدماتو د ستاينې تر څنګ په دغه ولايت کې د مخابراتي ستونزو او په ځينو ولسواليو کې د پوښښ نشتون يادونه وکړه. هغه د کونړ ښه امنيت او د خلکو د همکارۍ روحيه د دې وړ وبلله چې مرکزي حکومت او نړېواله ټولنه په دغه ولايت کې لا ډېرې پرمختيايي پروژې عملي کړي.
د مخابراتو او مالوماتي ټيکنالوژۍ سرپرست وزير د کونړ خلکو ته د دې سترې او ګټورې پروژې د تکميل مبارکي ورکړه او د خلکو له همکارۍ يې مننه وکړه. د کونړ د خلکو د هغو غوښتنې په ځواب کې چې ځينې لرې پرتې ولسوالۍ په مخابراتي پوښښ کې ستونزې لري، ژر تر ژره د هواري ژمنه وکړه. همدا راز يې د کونړ پوهنتون د نوري فايبر له لارې له نړېوالو اکاډيميکو ادارو سره د وصلولو، په کونړ کې ژر تر ژره د ډي ايس ايلDSL انټرنيټي خدماتو ترڅنګ د فايبر ټو هوم Fiber to Homeد پيلولو ژمنه هم وکړه. هغه وويل چې د مخابراتو وزارت په ټيټو بيو د ښو مخابراتو خدماتو وړاندې کول په خپلو لومړيتوبونو کې بولي او د ۲۰۱۸ م تر پایه يې ټول هېواد ته د نوري فايبر د غځولو اعلان وکړ. د هغه په خبره چې له ۹ ولايتونو پرته د هېواد ټولو ولايتونو ته نوري فايبر رسېدلی او دغه ۹ ولايته به هم ډېر ژر د ۵۰ مليونه امريکايي ډالرو په لګښت د نوري فايبر په مټ له نړۍ سره وصل شي. د نوري فايبر له خپرېدو سره د انټرنيټ او مخابراتو بيې او کيفيت دواړه ښه کېږي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
