د کابل پوهنتون په افغانستان کې د لوړو او معیاري زده کړو لومړنې موسسه ده چې بنسټ یې په کال ۱۹۳۲م، د اعلحضرت محمد نادر شاه په وخت کې اېښودل شوی او اوس پنځه اتیا کاله عمر لري.
کابل پوهنتون په دې نیت جوړ شوی و چې د یو ښوونیز، څېړنیز او عملي مرکز په توګه، د هېواد ځوان نسل، جنکۍ او هلکان، داسې وروزي چې په بېلابېلو برخو کې د افغانستان د ودانولو، بسیاکولو، پرمختللو او عصري کولو مدیریت او مسوولیت په غاړه واخلي.
کابل پوهنتون چې په لومړي سر کې یې د طب یو پوهنځی درلود، ورو – ورو د هېواد د کادري او مالي ظرفیت د لوړېدو سره سم، دومره وده وکړه او په مخ لاړ چې په سیمه کې یې وړ اکاډیمیک نوم وموند او په زرګونو افغان ځوانانو سربېره به یې، د سیمې د هېوادونو یو شمېر ځوانان هم روزل!
د پخواني ولسمشر محمد داوود په وخت د کابل او ننګرهار پوهنتونونو دومره وړتیا موندلی وه چې د هېواد د پرمختیایي او پراختیایي چارو او پروژو له پاره، په بېلابېلو ډګرونو کې خورا تکړه، هېوادپال او مسلکي ځوانان ټولنې ته وړاندې کړي.
د تنظیمي جګړو په بدمرغه کلونو کې کابل پوهنتون په بشپړه توګه وران شو او په دې توګه د هېوادپالونکو هغه ستر ارمان په اوبو لاهو شو چې د یو پرمختللي افغانستان د جوړولو له پاره یې، کابل پوهنتون ته د یو انسان جوړونکي مرکز په توګه کتل.
تنظیمي جګړه مارو کابل پوهنتون په وسله تون، د مخالفینو د وژلو په مسلخ، په زندان او لنډه دا چې د وحشت او دهشت د خورولو په یو مرکز بدل کړی و!
د ښاغلي حامد کرزي په وخت کې کابل پوهنتون بیا په پښو ودرید؛ خو تراوسه یې لاهغه برم او لوړ نوم نه دی ترلاسه کړی چې یو وخت یې درلود.
اوس په هېواد کې څه باندې څه سل دولتي او خصوصي پوهنتونونه او د لوړو زده کړو مراکز شته چې که په کیفي لحاظ وده وکړي. تعلیمي ورمونه ومومي او د زده کړو په واقعي مراکزو بدل شي، د سباني افغانستان له پاره د کادرونو د روزنې ښه زیری کېدای شي!
کابل پوهنتون او د هېواد د لوړو زده کړو نور مراکز باید علمي چاپېریال او ملي او اکاډیمیک رسالت ولري، نوي نسل ته علمي خدمات وړاندې کړي، ځوانانو ته علومو، فنونو او هنرونو ډېوې بلې وساتي او داسې فعال، پوه، متفکر او منتقد نسل وروزي چې هېواد له روانو ستونزو او ناخوالو څخه وباسي او د خلکو په زړونو کې د بریو او نیکمرغیو مړاوې هیلې بیا ژوندې کړي!
د لوړو زده کړو مراکز په علمي چاپېریال، تکړه کادرونو او اساتیدو، تعلیمي دسپلین، کتابونو، کتابتونونو، لابراتوارونو، جمنازیمونو، علمي بحثونو، څېړنو، کنفرانسونو، مونوګرافونو او دیپلومونو ښه ښکاري، د علمي مراکزو چاپېریال هم باید شین، پاک او په ښکلاوو ډک وي چې ځوان نسل پکې وغوړېږي او د سبانیو مسوولیتونو د ګاللو له پاره په لویو انسانانو بدل او د لویو فکرونو له لارې، اوسنیو ستونزو او تورتم ته د پای ټکی کېږدي او د پرمختګ او نیکمرغې په لور د هېواد د یون سرلاري شي!
په دې هیله چې د ګران هېواد پوهنتونونه او د لوړو زده کړو مراکز د علمي موسساتو په توګه په رسمیت وپېژندل شي او د پوهې او رڼا په دې مراکزو باندې تورتم تحمیل نه شي
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
