دغه ډول ماهرانه دروغ او پروپاګنده د افغانانو د ذهن محصول نده

دغه ډول ماهرانه دروغ او پروپاګنده د افغانانو د ذهن محصول نده، چې په ارګ کې د پینځه مېلیونه ډالرو په ارزښت کلیساګکه جوړېږي او رولا غني به پکې عبادت کوي.
افغانان ساده سیده خلک دي، حتا که باچا یا قاضي ته یې زړه ډک شي، که حریفواله یې تور وخوري، وچ کلک اقدام کوي، دزړه خبره یې له خولې وځي، که ځان هم خوږ کړي، خو مکر یې نه زده، حتا هغه زموږ پر معیارونو بد سړی یې هم دومره مکارانه سوچ نه کوي.
دا ډول تبلیغات چېرته لرې په کوم استخباراتي، توطئه چینه اداره کې ناست سپين سري تجربه کاران ډيزاینوي او زموږ د خلکو له باورونو په استفادې یې لکه پرازیټ اجتماعي فضا ته راخوشي کوي.
غني دداسې تلکونو په اړه خورا حساس دی، هغه ډېرې ناخوالې زغمي خو د دینکارو چړې او د رواني جنګ څپې ته ځان نه سیخوي.
غني چې په ترکیه کې د بیت المقدس په اړه کوم دریځ خپل کړ د مسلمانې نړۍ په اړه یې کوم حقیقتونه بیان کړل د سعودي شاهزاده ګان، د انقرې اردوغان د قطرباز بازان او د کویټ امیزاده ګان به یې د امریکا، روس او …. له ډاره شل کاله وروسته هم د بیان جرأت ونکړای شي.
د رواني جنګ دا چړه چې د هرچا ده که زموږ په هډونو کې پڅه شوې هم ده خو نوره پڅه ده.

اباسین  بریال