ژباړه: فضل ربي شینواری
اسوشیتید پریس ـ عبدالله جاوېد
بجیېنګ ـ د افغانستان د ملي امنیت سلاکار حمدالله محب د تېرې ۵ شنبې په ورځ چین ته سفر کړی و.
هغه چین ته د خپل سفر پر مهال: د هغه هېواد له چارواکو سره د افغان سولې پر بهیر خبرې وکړې.
د افغانستان د ملي امنیت سلاکار ډاکټر حمدالله محب، لومړی د چین د بهرنیو چارو له وزیر وانګ يي سره وکتل.
هغه ویلي: افغانستان په سیمه کې د تل پاتې سولې د تامین په هڅه کې دی.
د محب په خبره، چین او افغانستان ګډه پوله لري او یو بل سره يې د پولو د امنیت تامین برخه کې همکاري کړې ده.
وانګ ټینګار کړی، چې دواړه هېوادونه له یو بل متقابل درک لري او چین افغانستان کې د سولې له کورنۍ پروسې د افغانانو په مشرۍ ملاتړ کوي.
وانګ وویل: زه پوهېږم چې ولسمشر غني په داسې مهمو شرایطو کې تاسو ګومارلي یاست چې متقابل درک پیاوړی کړئ او همغږي زیاته کړئ. زه فکر کوم چې دغه لیدنه ډېره په موقع او ضروري ده.
د چهارشنبې په ورځ د سولې برخه کې د افغانستان د ولسمشر ځانګړي استازي محمد عمر داوودزي وویل، هیله لرو هغه جګړه چې امریکا ته د نږدې یو ټرېلیون ډالرو په ارزښت تمامه شوې، په ۲۰۱۹ کال کې پای ته ورسوو.
داوودزي له اسوشیټیډ پرېس سره په یوې ځانګړې مرکه کې وویل، چې ۲۰۱۹ کال کې به مونږ سولې ته ورسېږو.
د افغان سولې لپاره د امریکا ځانګړی استازی زلمی خلیلزاد سیمې هېوادونو ته په دویم سفر راوتلی، چې له هند، چین، پاکستان او افغانستان څخه لیدنه کوي.
پاکستان پر مخالفینو نفوذ لري امریکا ترې د سولې بهیر کې مرسته غوښتې ده.
ددې په غبرګون کې، واشنګن پاکستان سره خپل سلګونه میلیونه ډالره مرسته ځنډولې ده. پاکستان ویلي: پر طالبانو د دغه هېواد فشار او نفوذ کې زیاتی شوی دی.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
