بې معنی تأکید او خبره د منلو نه ده!/د. ص. سعیدي

بې معنی تأکید او خبره د منلو نه ده! د افغانستان د اسلامي دولت د جمهور رئيس ارشد سلاکار وایي چې مونږ د هر مخالف سره په هرو شرایطو کې د سولې خبرو ته اماده یو او حتی لا دا چې د یو خبر له مخې ددې سلاکار له خولې ویل کیږي چې د مخالفینو شرایط مني. دا تأکیدات نادرست تأکیدات او غیر مس‌ؤلانه خبرې دي. مونږ با عزته سوله او استقرار غواړو او په هرو شرایطو د اپوزیسیون او یا مسلح مخالف سره کېناستل خطاء کار ګڼو. مونږ له هغو سره چې مثلاً زمونږ ملک افغانستان د ایران او خاصتاً د پاکستان د غلامیدو او ګون‌‌‌‌‌‌ډه کېدو په شرط خبرې کوي او ای اس ای دغه خواست پرمونږ تحمیلوي، نه کېناستل او نه توافق غواړو او داسۍ کېناستل او توافق له سره خطاء کار ګڼو. له هر افغان سره بې شر او قیده کېناستل په ده مانا چې افغانستان او ددې خلکو ملي ارزښتونو او د اکثریت مطلق دین ته به احترام او رعایت مني. ناممکنه شرایط چې ددې هېواد او ولس عزت تر سوال لاندې راولي او پرمونږ تحمیلوو کېناستو او توافق ته نه حاضر يو او نه يې منو. داسې سوله او استقرار نه سوله ده او نه استقرار او نه د منلو ده. نو خبرو او افادو کې باید دقت وشي او بیا داسې حکومتي مشران خو باید له هرچا زیاد دقت وکړي. په کار دی چې پوه شو څه وایو او زمونږ خبر څه مانا لري؟ غیر مس‌ؤلانه خبرې هغه کوم حیثیت که پاتې وي نو هم له مېنځه وړي.

و ماعلینا الا البلاغ المبین

د. ص. سعیدي