که د کولچې، حلوا او یا نورو شیرینی بابو ډېر مينه وال یئ نو حتماً به پوهېږئ، چې لاچي د یادو توکو خوند څومره زیاتوي. همدارنګه لاچي چايو ته هم یو ځانګړی خوند ورکوي.
لاچي له زعفرانو او وانیل وروسته په ټوله نړۍ کې ډېر زیات خوښوونکي لري او د قیمت په لحاظ هم په درېيمه درجه کې ځای لري.
دا به بده نه وي، که پوه شئ، چې لاچي یوازې خوړو ته ښه بوی نه ورکوي بلکې ګڼې روغتيايي ګټې هم لري. چې د لیکنې تر پایه به د لاچي په ټولو ګټو پوه شئ.
لاچي څه دي؟
لاچي اصلا په هندوستان، نيپال او بوتان پورې اړه لري یعنې څېړونکي په دې باور دي، لومړني خلک چې لاچي یې تولید کړ د همدې هېوادونو وګړي دي. خو په اوس وخت کې په د آسيا په ډېرو ګرمسېرو سيمو لکه چين، ویتنام، مالیزیا او جاپان کې هم پيدا کېږي. په ټوله کې د لاچي کښت د هند له هغو سیمو پیل شوی، چې ګرمسير دي او مرطوبه هوا لري. علمي نوم یې (Elettaria cardamomum) دی. په لویه کې دوه ډولونه لري، چې شین او تور لاچي يې بولي.
د لاچي دانې د نریو پوښونو په واسطه احاطه شوي دي. البته باید ووایم، چې د لاچي دانې او پوټکی دواړه د خاص خوند او بوی درلودونکي چې ډېر زیات وګړي یې خوښوي.
د چین او هند په سنتي طب کې د لاچي کارول له ډېر پخوا لري. هنديانو او چينايانو پر دې باور درلود، چې لاچي د رګونو، سترګو، ګردو او ګڼو نورو برخو لپاره ګټه لري. نو ځکه یې ډېره استفاده ورڅخه کوله.
په لاچي کې موجود مواد
سل ګرامه لاچي ۳۰۰ کیلو کالوري انرژي لري او په کې موجود مغذي مواد عبارت دي له ۶۸ ګرامه کاربوهایدرایت، ۱۱ ګرامه پروتین او ۲۸ ګرامه رژيمي فیبر. باید ووایو چې لاچي هېڅ ډول کلسترول نه لري.
لاچي د بېلابېلو ويټامينونو یوه ښه منبع ده. لکه: نیاسین (ب۳)، پیریدوکسین (ب۶)، ریبوفلاوین (ب۲)، تیامین (ب۱)، ویټامین A، ویټامین C او نور عناصر لکه سدیم، پتاسیم، کلسیم، مس، آهن، منگنز، منیزیم، فسفر او روی هم په کې موجود دي.
د لاچي روغتيايي ګټې
لاچي زموږ او ستاسو د روغتيا لپاره ډېرې ګتې لري. په عمومي توګه عبارت دي له:
ـ د هاضمی سیسټم ساتنه
ـ د کلسترول (وینې غوړ) کنټرول
ـ د سرطان پر وړاندې وقایه
ـ د زړه د ستونزو تسکین
ـ د وینې د جریان ښه ولی
ـ د غاښونو د ناروغۍ لپاره درملنه
ـ د ادراري سیسټم عفونت
ـ د بډوډو د التهاب او سوزاک لپاره هم ګټور دي. همدارنګه د جنسي کمزورۍ او ژر انزال څخه د مخنيوي په برخه کې هم ډېر مفيد دي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
