د عبدالرحیم مندوخیل په جنازه کې د قامي مشرانو تر څنګ په زرګونه کسانو ګډون وکړ او د ده مباریزې ته د عقیدت پیرزوینې وړاندې کړې.
د پښتونخوا ملي عوامي ګوند مرستیال مشر، د پشتون قامي تحریک ستر مبارز او تاریخپوه عبدالرحیم مندوخیل مړی د یکشنبې ماښام په خپل پلرني ټاټوبي د ژوب په اومږه کلي کې خاورو ته وسپارل شو.
دجنازي په مراسیمو کې د پښتونخوا ملي عوامي ګوند مشر محمود خان اڅکزي د عوامي نېشنل ګوند صوبايي مشر اصغرخان اڅکزي، د مسلم لیګ ن ګوند صوبايي وزیر جعفرخان مندوخېل، د جمعیت علماء اسلام ضلعي امیر مولو ي الله داد، په کوټه کې افغان کونسل جنرل محب الله مومند ترڅنګ په زرګونو کسانو ګډون وکړ.
محمود خان اڅکزي وویل د پښتنو په تاریخ کې د شېر شاه نوم یادېږي، د علاوالدین غلزي نوم یادېږي، دبایزید روښان، خوشال خان خټک، میرویس خان هوتک، سیدال خان ناصر، باچا خان او د خان عبدالصمد خان نومونه یادېږي نو داسې به عبدالرحیم مندوخېل هم د دغه وتلیو پښتنو افغانانو په صفونو کې یادېږي.
د عوامي نېشنل ګوند صوبايي مشر اصغرخان اڅکزي د جنازې ګډونوالو ته په خپله وینا کې وویل چې عبدالرحیم مندوخېل یو باکرداره سیاستدان او منتظم وو. هغه پښتون ولس د سیاسي فعالانو او مبارزینو یو تیار فضل په لاس ورکړ.
پر دې مهال د افغان ولسمشر محمداشرف غني او افغان ولس له لوري په یو پیغام کې د عبدالرحیم خان مندوخېل پر مړینه خپګان وښود.
د جنازې برخه والو ته د پښتونخوا ملي عوامي ګوند مرستیال مشر مختیار خان یوسفزي زیاته کړه چې عبدالرحیم مندوخېل مرام او ارمان د جمهوري افغانستان استقلال، او په پاکستان کې د پښتون قام وحدت او له نورو قامونو سره برابري وه.
د پښتونخوا ملي عوامي ګوند صوبايي صدر او سېنېټر محمد عثمان خان کاکړ د عبدالرحیم مندوخېل په باب په خپلو څرګندونو کې وویل چې رحیم صاحب یو وکیل وو، لارښود وو، استاد وو، سیاسي کارکن وو، یو ادیب وو، یو لوی تاریخپوه وو، یوه ښه ملګری وو، یو ښه کلیوال وو.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
