دولت وزیري د دفاع وزارت له ویاندۍ استعفا ورکړه / دعوت میډیا ۲۴

دعوت میډیا ۲۴ (یکشنبه، ۵ وری، ۱۳۹۷): د دفاع وزارت ویاند جنرال دولت وزیري له خپلې دندې څخه استعفا ورکړې او پر فیسبوک یې دغه اعلان کړی دی.

نوموړي په خپل یوه مختصر فیسبوکي پوسټ کې لیکلي: «له نن څخه وروسته زه د دفاع وزارت ویاند نه یم. د مهربانۍ له مخی زما د دندی په هکله خپل نظر بی له تبصری ولکئ، چی زه په دنده کی بریالی وم او یا بریالی نه وم».

تر اوسه معلومه نه ده چې هغه ولي له خپلې دندې استعفا ورکړې او یا مخکې څه پلان لري خو د نوموړي پوښتنې ته د فیسبوک فعالانو د مختلف جوابونه ورکړي دي، چې ځیني نمونې یې په لاندي ډول دي:

احمد بریال:

بالکل بریالی وې!؟ خو د درواغو دي خانه ورخرابه کړه، زما خو اوس هم یقین نه راځي چي له دندې به شړل شوی یې درواغ به وایې ځکه ستا خو هره ورځ اپریل فول وي

عرفان الله صالحي:

چیرته لاړې!
ته ښه وې د افغانستان د دفاع وزارت د تېروتنو د ډېره پرده کوله، په خپلو درواغو سره د افغانستان داسې امن کړ چې هر څومره زوروره چاودنه به وشوه تا به ویل دوه کسه ملکیان ټپیان او یو مړ؛حال داچې د افغانستان په هر ولایت کې که نه وي په هرو دوه ولایتونو کې یوې ولسوالۍ سقوط کړی.تا به دومره دروغ ویل چې حد یې نه لرلو.

غرزی اوریا:

تاسو یو پاک نفسه او مسلکی جنرال د اوردو یاست دا قضاوت زموژ له درکه دیر لور دی چه ستاسو په هکله یی وکرو دومره ویلی شو چه تاسو یوه نه تکراریدونکی شخصیت د ملی دفاع په وزارت کی یاست. په هر زای که چه یاست له خدای نه مو کامیابی او سرلوری غوارو ژوندی اوسی تل د وی افغانستان.