افغان امنیتي ځواکونو /لغمان

0 790

افغان امنیتي ځواکونو په دوو جلا اپراتیفي عملیاتو کې 56 حلقې ماینونه نیولي دي.

تېره شپه د لغمان د ملي امنیت منسوبینو د ځآنګړو اپراتیفي عملیاتو په ترڅ کې د مرکز اړوند د کله کوټ په سیمه کې ۵۴ حلقې د پرسونل ضد ماینونه چې په یوه پټ ځای کې د ورانکارو تروریستانو له لوري خوندي شوي ول کشف او نیولي دي.

دغه ماینونه چې د سولې او وطن د دښمنانو له لوري په یاده سیمه کې خوندي شوي ول، غوښتل یې چې مرکز مهترلام او نورو ولسوالیو ته یې انتقال او په تروریستي کړنو کې ترې ګټه پورته کړي، چې د ملي امنیت د منسوبینو له خوا پرې له یوې دقیقې اطلاع وروسته عملیات تر سره شول. البته په تور یې تر دې دمه څوک نه دي نیول شوي.

بل لور ته د قرغیو ولسوالۍ اړوند د کاکڅ په فرمانخیلو سیمه کې دوه بوشکه یي لوی ماینونه چې د مخالفینو له لوري په یو خوندي ځای کې پټ شوي ول او غوښتل یې چې په یاده سیمه کې د کابل جلال اباد لویه لاره پرې تخریب او خلکو ته په کې مرګ ژوبله واړوي د افغان امنیتي ځواکونو له خو تر کشف وروسته نن سهار د لسو بجو په شا و خوا کې خنثی شول.

لغمان والي عبدالجبار نعیمي د امنیتي ځواکونو د دغو لاسته راوړنو د ستاینې تر څنګ ټولو امنیتي، کشفي او دفاعي ځواکونو ته دنده سپارلې چې د دښمن د شومو پلانونو د شنډولو په موخه پر وخت ګړندي قدمونه واخلي او پرې نه ږدي چې عامه نظم ګډ وډ او بې ګنا انسانان د تروریستانو د شومو پلانونو ښکار وګرځي.

***

                     

 

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Leave A Reply